باعا جەتپەس يگى ءىستى باستاپ بەردى

ەلىمىزدىڭ تاۋەلسىزدىگى بۇگىنگى ومىرىمىزدەگى بارلىق جەتىس­تىك­تەردىڭ قاينارى ىسپەتتى. ۇل­تى­مىزدىڭ رۋحى قۇرساۋدان بو­­سانىپ, قايتا تۇلەدى, ەكو­نو­­ميكالىق ەركىندىگىمىزدىڭ ار­قا­سىندا دۇنيەجۇزىلىك قوعام­داس­تىق­تارعا مۇشە بولىپ, الەمنىڭ دامىعان ەلدەرىمەن تەرەزەمىز تەڭ جاعدايدا قارىم-قاتىناس, باي­لانىس جاساي­تىن مۇمكىندىككە يە بولدىق. بۇگىندە مەملەكەتىمىزدىڭ تاۋەل­سىز­دىگىمەن پرەزيدەنتتىك باس­قارۋ ەگىز ۇعىم سياقتى كو­رىنەدى. ويتكەنى قا­زاقستاننىڭ ەركىندىككە قولى جەتكەن كۇننەن باستاپ بۇگىنگە دەيىن ەلى­مىزدىڭ دامۋى مەن كوركەيۋىنىڭ بار­لىعى دا تۇڭعىش پرەزيدەنتىمىز نۇر­سۇلتان نازارباەۆتىڭ ەسىمىمەن باي­لانىستى. باس-اياعى جيىرما جىلدىڭ ىشىندە ەلىمىزدە ەش­قانداي قيىندىقتار, ەشقانداي كەم­شىلىكتەر جوق دەسەك, ادامعا دا, اللاعا دا ءسوزىمىز راس بول­ماي­دى. كەڭەس وداعى تارا­عاننان كەيىنگى بۇرىنعى شيە بولىپ بايلانعان ەكونو­مي­كالىق باي­لا­نىس­تاردىڭ ءۇزىلۋى, جو­سپارلى ەكو­نوميكانىڭ ورنىنا نا­رىقتىڭ كەلۋى وڭاي جۇرە قالعان ۇدەرىس ەمەس ەدى. ەكو­نو­مي­كالىق رەفورمالاردىڭ بار­لىعى دا جەڭىل بولعان جوق. اۋىل شا­رۋاشىلىعىن قايتا قۇرۋ كەزىندە اۋىل اسا قي­نالدى. ءاڭ­گىمە ونىڭ قيىندىعىندا ەمەس, سول سىن­داردان ەلىمىزدىڭ دا­نالىق باسشىلىقتىڭ ارقاسىندا امان وتۋىندە بولاتىن. ەلىمىزدىڭ سوڭعى جىلدارى ەكو­نو­ميكالىق دامۋى الەم نازارىنا ىلىكتى. امەريكا قۇراما شتاتتارى قا­زاقستاندى تمد ەلدەرى اراسىندا نا­رىق جولىنا تۇسە العان ءبىرىنشى مەم­لەكەت دەپ تانىدى. سونىمەن قا­تار نۇرسۇلتان نازارباەۆتىڭ سىرت­قى بەيبىت ساياسات جۇرگىزۋىمەن قا­زاقستان حالىقارالىق قاتى­ناس­تار­دا دا العا وزدى. قازاقستاننىڭ ءبۇ­گىندە مۇسىلمان الەمى مەن تمد ەل­دەرىنىڭ اراسىندا ءبىرىنشى بولىپ ەقىۇ-عا توراعالىق ەتۋى سونىڭ ايعاعى. الەمدە ەشقاشان ءدىني باس­شىلار ءبىر جەردە باس قوسپاعان. ال استانادا ن.نازارباەۆتىڭ باس­تا­ماسىمەن الەم­دىك جانە ءداستۇرلى دىندەر باس­شى­لارىنىڭ ءۇش سەزى ءوتتى. وندا قاي مەملەكەتتە دە بەي­بىتشىلىكتىڭ, تۇراقتىلىقتىڭ نەگىزى ادامداردىڭ ءدىني سەنىمىنە ءتوزىم­دىلىك­پەن, قۇر­مەتپەن قاراۋ ەكەنىن اتى الەمگە ءماشھۇر ءدىني قاي­رات­كەرلەردىڭ, دۋالى اۋىزداردىڭ قاي­سى­سى بولسا دا ايتىپ ءوتتى. بۇل وراي­دا ءبىزدىڭ پرەزيدەنتىمىز سىرت­قى ساياساتتا دا كوشباسشى ەكەنىن كورسەتتى. قازاقستانعا ىسساپارمەن كەلگەن بىرىككەن ۇلتتار ۇيىمىنىڭ باس حاتشىسى پان گي مۋن سەمەي ءوڭى­رىن­دەگى بۇرىنعى سىناق ايم­اعىندا بولعاندا يادرولىق قارۋ-جاراقتىڭ قانشالىقتى قاسىرەت ەكەنىنە, جەر شارى ءۇشىن بەيبىت كۇننىڭ باعاسىنا ەشتەڭە جەتپەيتىنىنە كوزى جەتە تۇسكەندەي بولدى. وسى ساپارىندا “يادرولىق قارۋعا يە مەم­لە­كەت­تەر­دى قازاقستاننىڭ جولىمەن جۇرۋگە شاقىرامىن” دەدى. حالىقارالىق بەدەلدى ۇيىم باسشىسىنىڭ بۇل ءسوزى نۇرسۇلتان ءابىش ۇلىنىڭ اتوم اجداھاسى – سەمەي سىناق پولي­گونىن جا­بۋىنا, الەمدە جاڭا تۇر­پاتتى مەملەكەتتىڭ پايدا بولۋىنا بەرگەن بيىك باعاسى بولاتىن. جاقىندا امەريكا قۇراما شتات­تارىندا وتكەن يادرولىق قاۋىپ­سىزدىك ماسەلەسىنە ارنالعان جاھان­دىق سامميتتە قازاق­ستان­نىڭ الەم­دەگى ءتورتىنشى يادرولىق ارسەنالدان ءوز ەركىمەن باس تارتىپ, سەمەي سىناق پوليگونىن جابۋىن, پرەزيدەنت نۇرسۇلتان نازارباەۆتىڭ وسى جول­داعى ەڭبەگىن جوعارى باعالادى. بەيبىتشىلىك سىرتقى ساياسات ۇس­تانىپ وتىرعان ءبىزدىڭ ەل يادرولىق قا­رۋسىز دا ادامداردىڭ بەيبىت ءومىر سۇرە الاتىنىن, قو­عام­نىڭ العا دا­مي­تىنىن, ءور­كە­نيەتتەن قا­لىس­پاي­تىنىن كور­سەتتى. ول كوشباسشى ساياسات­كەر­دىڭ كورەگەن قادامدارى, ىستەرى ارقاسىندا جۇزەگە استى. بالا كەزىمىزدە “بوم­بانىڭ ورنىن تە­گىس­تە­گەن, كۇرەكتەر مۋزەيگە قو­يىل­سىن!” دەپ ءان شىرقار ەدىك. قازىر يادرولىق قارۋ تەك ادام­زات­تى قىرىپ عانا قوي­مايدى, الەم­نىڭ ەكولوگياسىنا دا كەرى اسەر ەتەدى. جۇمىر جەرگە تى­نىشتىق بە­رۋىمىز كەرەك. ال ءبىزدىڭ پرە­زيدەنتىمىز جەر جۇزىندەگى بەيبىت ءومىر, ادامزات اماندىعى ءۇشىن يگى باستامانى باستاپ بەردى. ادەتتە, باستالعان ءىس جالعاسىن تابادى. ەسەنگەلدى اشماحان, “بالىقتى” مەشىتىنىڭ يمامى. قوستاناي وبلىسى, ۇزىنكول اۋدانى.