وقيعا 16-تامىز كۇنى ساعات 19:15-تە «سامارا-شىمكەنت» اۆتوجولىنىڭ ىرعىز اۋدانى قالىباي كەنتىنىڭ جانىندا تىركەلدى. شالقار اۋدانىنىڭ 39 جاستاعى تۇرعىنى, «Nissan X-Trail» اۆتوكولىگىنىڭ جۇرگىزۋشىسى قىرعىزستان رەسپۋبليكاسىنىڭ ازاماتىنىڭ باسقارۋىنداعى «Volvo FH460» جۇك كولىگىمەن سوقتىعىستى.
«جول اپاتى سالدارىنان «Nissan X-Trail» اۆتوكولىگىنىڭ جۇرگىزۋشىسى, 40 جاستاعى جۇبايى, 11 جاستاعى ۇلى العان جاراقاتىنان وقيعا ورنىندا كوز جۇمىپ, 5 جاسار ۇلى مەن 10 جاسار قىزى ىرعىز اۋدانىنىڭ ورتالىق اۋرۋحاناسىنا جاتقىزىلدى. وندا 5 جاسار ۇلى كوز جۇمدى.
قر قك 345-بابى 4-بولىگى, ياعني, «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول ەرەجەسىن بۇزۋ» بويىنشا سوتقا دەيىنگى تەرگەۋ باستالدى», دەدى اقتوبە وبلىسى پد باستىعى اتىعاي ارىستانوۆ.
