جۇرگىزۋشىنىڭ قۇجاتتاردى تەكسەرۋ كەزىندە 2018 جىلى سوت شەشىمىمەن 30 جاستاعى ازامات كولىكتى ماس كۇيىندە جۇرگىزگەنى ءۇشىن كولىك قۇرالىن باسقارۋ قۇقىعىنان ايىرىلعانى انىقتالدى. الايدا, جازاعا قاراماستان, جۇرگىزۋشى ماس كۇيىندە كولىكتى قايتا تىزگىندەگەن.
اتالعان فاكتى بويىنشا ءتارتىپ بۇزۋشى پوليتسيا باسقارماسىنا جەتكىزىلىپ, اۆتوكولىك كوممۋنالدىق تۇراققا قامالدى. كۇدىكتىگە قاتىستى قر قك-ءنىڭ 346-بابى «كولىك قۇرالدارىن جۇرگىزۋ قۇقىعىنان ايىرىلعان جانە الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى» بويىنشا تەرگەۋ جۇرگىزىلۋدە.
پوليتسيا 2020 جىلدىڭ قاڭتارىنان باستاپ الكوگول, ەسىرتكى جانە توكسيمانيكالىق ماس كۇيىندە كولىك جۇرگىزۋ قۇقىعىنان ايىرىلعان جۇرگىزۋشىلەردىڭ كولىك قۇرالىن باسقارعانى ءۇشىن سانكتسيالار كۇشەيتىلگەنىن ەسكە سالدى.
پوليتسيا ۆەدومستۆوسىنىڭ باسشىسى ەرجان سادەنوۆ اتاپ وتكەندەي, جىل باسىنان بەرى نۇر-سۇلتاندا بۇرىن كولىك قۇرالدارىن باسقارۋ قۇقىعىنان ايىرىلعان 40 ازامات ماس كۇيىندە كولىك جۇرگىزگەنى ءۇشىن قىلمىستىق جاۋاپكەرشىلىككە تارتىلدى.
وتكەن جىلى قر قك 346-بابى بويىنشا 45 جۇرگىزۋشى قىلمىستىق جاۋاپكەرشىلىككە تارتىلدى.
