وقيعا ورنىنان تۇسىرىلگەن ۆيدەو الەۋمەتتىك جەلىلەردە تاراپ كەتتى. كادرلاردا قايعىلى جاعداي باعدارشاممەن رەتتەلەتىن جاياۋ جۇرگىنشىلەر وتكەلىنەن شامامەن 150 مەتر قاشىقتىقتا بولعانىن كورۋگە بولادى.
پوليتسيا دەپارتامەنتىنىڭ حابارلاۋىنشا, جول اپاتى 16 تامىزدا ساعات 22.21-دە ورىن العان.
«Toyota Camry ماركالى اۆتوكولىگىن باسقارعان 19 جاستاعى جۇرگىزۋشى كەنەسارى كوشەسى جاعىنان رەسپۋبليكا داڭعىلىمەن كەلە جاتىپ, 51 جاستاعى جاياۋ جۇرگىنشىنى قاعىپ كەتتى. ول كولىك قۇرالىنىڭ قوزعالىسى بويىنشا جولدىڭ ءجۇرۋ بولىگىن وڭنان سولعا قاراي, بەلگىلەنبەگەن جەردە كەسىپ وتكەن», دەپ حابارلادى دەپارتامەنتتەن.
جول-كولىك وقيعاسى سالدارىنان جاياۋ جۇرگىنشى العان جاراقاتىنان وقيعا ورنىندا كوز جۇمدى.
اتالعان فاكتى بويىنشا انىقتاۋ جۇرگىزىلۋدە.
پوليتسەيلەر قالا تۇرعىندارىن جولدا قىراعى بولۋعا جانە جول قوزعالىسى ەرەجەلەرىن مۇلتىكسىز ساقتاۋعا شاقىرادى.
