قۇقىق قورعاۋ ورگاندارىنىڭ مالىمەتىنشە, تۇندە 19 جاستاعى ەلوردالىق حابارلاسىپ, بەلگىسىز بىرەۋلەر قۇنى 230 مىڭ تەڭگە تۇراتىن iPhone 7 تەلەفونىن ۇرلاپ كەتكەنىن ايتقان.
«جاس جىگىتتىڭ ايتۋىنشا, ول كەزدەسۋدەن كەيىن ۇيىنە بارا جاتقان كەزىندە وعان كراۆتسوۆ كوشەسىندەگى زيراتتىڭ جانىندا ەكى جىگىت جاقىنداپ, قالتاسىنان ۇيالى تەلەفونىن شىعارۋدى تالاپ ەتتى. جىگىت باس تارتقاننان كەيىن ولار ونى ۇرىپ-سوعىپ, تەلەفونىن, قۇلاققاپتارىن الىپ, قاشىپ كەتكەن.
ءموبيلدى قوسىمشانىڭ ارقاسىندا تەلەفوننىڭ ورنالاسقان جەرىن انىقتاۋعا بولادى. وسىلايشا, كۇدىكتىلەر ۇستالىپ, پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى», دەپ حابارلادى ۆەدومستۆودان.
سمارتفون تاركىلەنىپ, يەسىنە قايتارىلدى. پوليتسيا قىزمەتكەرلەرى قىلمىستىق ءىس قوزعاپ, ۇستالعانداردىڭ قالا اۋماعىنداعى ۇقساس قىلمىستارعا قاتىستىلىعىن انىقتاۋدا.
