بابالار وسيەتى بىرلىك ەدى

ءبىر زاماندارى ايبىنى اسقاق, جۇرتىن باستاپ جۇرەتىن نەبىر ۇلى تۇلعالاردى تۇلەتكەن, كەيىن قۇبى­لاسى قىرىق قۇبىلعان ساياسات تۇسىندا جۇندەي تۇتىلگەن قازاقتىڭ ۇلتتىق مىنەزى “تەك ازات حالىقتا عانا ۇلتتىق مىنەز بولدى”, دەپ جەرمەنا دە ستال ايتقانداي, تاۋەل­سىز جىلدارى بوي تىكتەپ, سەن كىمسىڭ دەگەندەرگە, مەن تولە, قازى­بەك, ايتەكە بيلەردىڭ ۇرپاعى­مىن دەيتىن دارەجەگە جەتتىك. سول ءۇش ۇيىتقىنىڭ ارعى-بەرگى جاعىن­داعى تاريحىمىزدى تارازىلاۋدى قولعا الىپ, ءبىراز يگىلىكتى شارا­لاردى ىسكە اسىردىق. سونىڭ ءبىر ادەمى كورىنىسى, كۇنى كەشە پرەزي­دەنت­تىك مادەنيەت ورتالىعىندا وتكەن تۋما تالانت, تۇعىرى مىقتى ازامات, ايتۋلى سۋرەتشى توقبولات توعىسباەۆتىڭ “تولە بي, قازىبەك بي, ايتەكە بي پورترەتتەرى” تريپ­تىگىنىڭ جانە يتاليالىق سۋرەتشى دجۋزەپپە كاستيلونيدىڭ “قازاق­­ستاننىڭ تسين يمپەراتورى­نا ءساي­گ ۇلىك سىيلاۋى” اتتى كارتينا نەگىزىندە اسەين جۇمابەكوۆ سالعان تۋىندىسىنىڭ تۇساۋكەسەر ءراسىمى دەر ەدىك. تۇساۋكەسەر راسىمىندە العاشقى ءسوزدى ورتالىق ديرەكتورى مىر­زاتاي جولداسبەكوۆ الىپ, يگىلىكتى شارا تۋرالى جان-جاقتى مالىمەت بەردى. قازاق حالقىنىڭ ەشبىر ۇلت پەن ەتنوسقا ۇقسامايتىن وزىندىك سالت-ءداستۇرىن تىزبەلەي ايتىپ, مۇراجايدا “التىن ادامداردان” وزگە, الپىس ەكى اتتىڭ التىن, كۇ­مىس­پەن اشەكەيلەگەن ەر-تۇر­مانى­نىڭ تۇرعانىن, وزگە دە جادىگەر­لەردىڭ ساقتالعانىن جانە باسقا دا قۇندىلىقتاردىڭ ەرەكشەلىگىنە, توعىسباەۆتار اۋلەتىنىڭ دارىن-قارىمىنا توقتالا كەلىپ, سوناۋ ءحۇىىى عاسىردان جەتكەن سۋرەتتى ەلگە جەتكىزگەن قازاقتىڭ كوزى اشىق, كوڭىلى وياۋ تاريحشى قىزى مەرۋەرت ابۋسەيىتوۆانىڭ زەرەك­تى­گىنە شىنايى ريزاشىلىعىن ءبىل­دىردى. ال وسى جۇمىستىڭ اتقارى­لۋى­نا قارجىلاي كومەك كورسەتكەن اتىمتاي جومارت مەتسەنات, تاريحي دۇنيەلەردى مۋزەي قورىنا سىيعا تارتقان ءمۇسىلىمباي دايىربەكوۆ ءومىر بويى ءۇش ءبيدىڭ رۋحىنا باسىن ءيىپ كەلە جاتقانىن, جازىق­سىز جاپا شەككەن تۇستا ارۋاق­تارى­نا سىيىنىپ قاتەردەن امان قالعا­نىن تەبىرەنە تۇرىپ ايتسا, تاريح­شى باقىت ەجەنحان يتاليا­لىق سۋرەت­شى­نىڭ ەڭبەگى بۇرىن كىتاپ­تاردا عانا كورىنىس تاپسا, ەندى قايتا جاڭ­عىرىپ, مۇراجايدا جۇرت يگىلى­گىنە اينالاتىنىن جەتكىزدى. قازاق­تىڭ اقيىق اقىن قىزى فاريزا وڭعارسىنوۆا تاۋەلسىزدىك­تىڭ قادىر-قاسيەتىنىڭ ءوزى وسىدان كورىنىپ وتىرعانىن, ءۇش ءبيدىڭ اتىن ءبىر كەزدەرى سىبىرلاپ ايت­ساق, ەندى اسىل بەينەسى كەرەگەمىز­دەن كوسەم­دەردى ىعىستىرىپ ورىن تاپقانىن, ۇلت تاريحىن ءوزىمىز عانا ءبىلىپ قويماي, قىزىل-جاسىل دۇنيەنىڭ جەتەگىندە جۇرگەن كەيىنگى جاسقا ۇعىندىرۋ كەرەكتىگىن تىلگە تيەك ەتتى. سەناتور ومىربەك باي­گەل­دي اتا-بابا تاعىلىمىنا ادال بولۋ جونىندەگى تەرەڭنەن تارتقان كەسەك-كەسەك ويلارىن ناقتى دالەل-دايەك­­تەرگە جۇگىنىپ ورتاعا سالدى. قازىردىڭ وزىندە تورتكۇل دۇنيەگە تانىلىپ ۇلگەر­گەن اتاقتى سۋرەتشى, مەملەكەتتىك سىيلىقتىڭ لاۋرەاتى ەربولات تولەپباي قازاق ونەرىنىڭ ارعى-بەرگى تاريحىن بارلاي كەلىپ, ەل ساياساتىنىڭ سيمۆولى وسى ءۇش بي ەكەنىن, قاي تۋىندى دا قۇندى بولىپ ەسەپ­تەلەتىنىن, ۇلتىمىزدىڭ ۇلىلىعىن الەمگە تانىتقان “ال­تىن ادامدى” جاساعان سۋرەتشى اتى بەلگىسىز بولىپ قالعان وزگە ەمەس, ءوز بابامىز, دەگەن ءسوزدى قاداپ ايتتى. اق ماتامەن كومكەرىلىپ تۇرعان ءۇش ءبيدىڭ پورترەتتەرىن اشۋ قۇر­مەتىن پارلامەنت سەناتىنىڭ دەپۋتاتتارى قۋانىش سۇلتانوۆ, ءادىل احمەتوۆ جانە قوعام قايرات­كەرى ءاليحان بايمەنوۆ اتقارسا, “قازاقتاردىڭ تسين  يمپەرا­تورى­نا سايگ ۇلىك سىيلاۋ” اتتى كار­تينا­نىڭ لەنتاسىن “نۇر وتان” حدپ-نىڭ استانا قالاسى بويىنشا فيليالى توراعاسىنىڭ ورىن­باسارى ءامىرحان راقىم­جانوۆ, پارلامەنت سەناتى­نىڭ دەپۋتاتى ومىربەك بايگەلدي, جوعارعى سوتتىڭ توراعاسى مۇسا­بەك الىمبەكوۆ قيدى. بۇدان كەيىن ەل ازاماتتارى ءۇش بيگە قۇران وقىتىپ, اس بەردى. جاقسى ىسكە جانا­شىرلىق تانىتقان ازامات­تارعا سىي-سياپات جاساپ, قۇرمەت كورسەتتى. ايتىس ونەرىنىڭ ايتۋلى وكىلى امانجول التاەۆ ءۇش بيگە ارناعان تولعاۋىندا: “بىلسەڭىزدەر ءۇش ءبيىم ەمەس پە ەدى, جەرىمە اباق­تىنى سالدىرماعان”, دەپ ارتىنان “ۇلتاراقتاي جەرىمدى سات­قىز­باعان... توليك, كوليا كوبەيگەن بۇل زاماندا, ءۇش ءبيدى ارداقتايتىن بالاڭ بولسىن, ۇرپاعىنىڭ كەۋ­دەسىندە قوڭىراۋداي, تولە, ايتەكە, قازىبەك سىڭعىرلاسىن”, دەپ بابالار وسيەتى بىرلىك بولعان ولەڭ جولدارىمەن نوسەرلەتىپ جىبەردى. سۇلەيمەن مامەت.