ويتكەنى «بەرەل» مەملەكەتتىك تاريحي-مادەني قورىق-مۋزەيىنە قاراستى شىلىكتى قورعاندارىن كورۋگە كەلۋشىلەر سانى ۋاقىت وتكەن سايىن ارتا تۇسۋدە. سوندىقتان الداعى ۋاقىتتا نىساننىڭ مادەني قۇندىلىعى جانە مۇنداعى ارتەفاكتىلەردىڭ ۇلت تاريحىنداعى ماڭىزى جايلى تۋريستەرگە كەڭىنەن ناسيحاتتاۋ ءىسىن قولعا العان دۇرىس.
«زايسان وڭىرىندە 6 تاريحي, 21 مادەني-ارحيتەكتۋرالىق, 8 ارحەولوگيالىق ەسكەرتكىش تىركەلگەن. ولكەدەگى تاريحي ەسكەرتكىشتەردىڭ بىرەگەيى – شىلىكتى قورعاندارى. مۇندا بارلىعى 51 وبا بار. بۇلار ب.ز.ب. ءVىى-ءVى عاسىرعا ءتان. سونداي-اق بۇل ولكەدە ساقتاردىڭ العاشقى مەملەكەتىنىڭ ورداسى تىگىلگەن. ساپار ورتالىعىندا زاماناۋي ۇلگىدە جابدىقتالعان مۋزەي زالى, قوناقۇي عيماراتى جانە اقپاراتتىق-ناسيحاتتىق ورتالىق سىندى بىرقاتار ءبولىم قاراستىرىلعان», دەيدى «بەرەل» مەملەكەتتىك تاريحي-مادەني قورىق-مۋزەيىنىڭ ديرەكتورى نۇربولات احمەتجانوۆ.
