«كوروناۆيرۋستىڭ دەلتا شتامىنىڭ تارالۋى نەگىزگى تاۋەكەل فاكتورى بولىپ وتىر جانە ەكونوميكالىق ءوسۋ قارقىنى بويىنشا بولجامداردى قايتا باعالاۋعا اكەلۋى مۇمكىن. قازىردىڭ وزىندە ءبىز كوروناۆيرۋستىڭ «دەلتا تولقىنى» اياسىندا قارجى نارىعىنىڭ وزگەرۋىن بايقاپ وتىرمىز. ءبىرىنشى كەزەكتە, بۇل دامۋشى نارىقتارعا قاتىستى. بيىلعى 27 شىلدەدە حۆق الەمدىك ءىجو بولجامىن قايتا قاراپ, ونى 2021 جىلى 6% دەڭگەيىندە ساقتاپ قالدى. بىراق وسى قايتا قاراۋ اياسىندا دامىعان ەلدەردە ءوسۋ 5,6%-عا دەيىن 0,5 پ.ت. ارتىپ, دامۋشى ەلدەر بويىنشا بولجام 6,3%-عا دەيىن 0,4 پ.ت. تومەندەدى. بۇرىنعىداي, تەڭگە كومىرسۋتەكتەر نارىعىنىڭ جانە دامۋشى ەلدەردىڭ اكتيۆتەرىنە قاتىستى جالپى سەنتيمەنتتىڭ ىقپالىندا بولادى», دەدى ءا. مولدابەكوۆا.
ونىڭ ايتۋىنشا, مۇناي نارىعى بيىلعى ساۋىردەن شىلدەگە دەيىنگى باعا بەلگىلەۋلەردىڭ 20%-عا جۋىق وسۋىنەن كەيىن تۇراقسىز كۇيگە ەندى. اقش-تاعى كوممەرتسيالىق مۇناي قورىنىڭ 2020 جىلعى قاڭتارداعى دەڭگەيگە دەيىن تومەندەۋىنە قاراماستان, دەلتا شتامىنىڭ تارالۋى مۇنايدىڭ بۇدان بىلايعى وسۋىنە كەدەرگى كەلتىرىپ وتىر.
«ۇلتتىق بانكتىڭ جۋىرداعى بازالىق مولشەرلەمەنى ارتتىرۋ تۋرالى شەشىمى حالىقارالىق ينۆەستورلار ءۇشىن تەڭگەدەگى اكتيۆتەردىڭ تارتىمدىلىعىن قولدايدى, ولاردىڭ اعىنى جىل باسىنان بەرى 392 ملرد تەڭگەنى قۇرادى», دەدى ول.
مولدابەكوۆانىڭ ايتۋىنشا, بيىلعى 11 تامىزدا Moody's حالىقارالىق رەيتينگتىك اگەنتتىگىنىڭ قازاقستاننىڭ تاۋەلسىز كرەديتتىك رەيتينگىن «ۆاا3» دەڭگەيىنەن تۇراقتى بولجاممەن «ۆاا2» دەڭگەيىنە دەيىن ارتتىرۋى - ىشكى ۆاليۋتا نارىعى ءۇشىن ماڭىزدى وقيعا.
