الەم • 15 تامىز، 2021

اۋعانستاننىڭ 84 ساربازى وزبەكستان شەكاراسىن كەسىپ ءوتتى

450 رەت كورسەتىلدى

وزبەكستاننىڭ مەملەكەتتىك شەكاراسىنان 84 اۋعان ساربازى ءوتتى، دەپ حابارلايدى Egemen.kz.

وزبەكستان رەسپۋبليكاسى سىرتقى ىستەر مينيسترلىگى مەملەكەتتىك قاۋىپسىزدىك قىزمەتى شەكارا اسكەرىنىڭ حابارلاۋىنشا، 14 تامىزدا اۋعانستان قارۋلى كۇشتەرىنىڭ 84 ساربازى مەملەكەتتىك شەكارانى كەسىپ وتكەن. شەكارا بۇزۋشىلار ەش قارسىلىق بىلدىرمەستەن ۇستالعان جانە ءۇش جارالىعا مەديتسينالىق كومەك كورسەتۋدى سۇراعان.

«ولارعا قاجەتتى پروتسەدۋرالار مەن سانيتارلىق-ەپيدەميولوگيالىق شارالار جۇرگىزىلدى، كەيبىرەۋلەرىنە مەديتسينالىق كومەك كورسەتىلدى. سونداي-اق ازىق-ت ۇلىك پەن ۋاقىتشا تۇراق بەرىلدى»، دەدى ۆەدومستۆودا.  

«تەرمەز-حايراتون» كوپىرىنىڭ اۋعان بولىگىندە اۋعانستان اسكەري قىزمەتكەرلەرى جينالعان. ولارعا دا گۋمانيتارلىق كومەك كورسەتىلىپ جاتىر.

«وزبەكستان سىرتقى ىستەر مينيسترلىگى اسكەريلەردى تۋعان ەلىنە قايتارۋ جانە «تەرمەز-حايراتون» كوپىرى ايماعىنداعى جاعدايدى رەتتەۋ ءۇشىن اۋعان تاراپىمەن كەلىسسوز جۇرگىزىپ جاتىر. مەملەكەتتىك شەكارا كۇشەيتىلگەن رەجيمدە كۇزەتىلۋدە. بارلىق قاجەتتى قاۋىپسىزدىك شاراسى قابىلدانعانىن. تەرمەزدە كۇش قۇرىلىمدارىنىڭ باسشىلارى مەن مەملەكەتتىك ورگانداردىڭ وكىلدەرى كىرەتىن جەدەل شتاب قۇرىلدى»، دەپ حابارلادى وزبەكستان ءسىم.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار