اتىراۋ وبلىسى بالىق شارۋاشىلىعى كوميتەتىنىڭ بۇيرىعىمەن 17 تامىزدان باستاپ كاسپي تەڭىزىندە تورمەن بالىق اۋلاۋعا تىيىم سالىنادى.
باسقارما باسشىسى ارتۋر سادىبەك ۇلىنىڭ ايتۋىنشا, قازىر بالىق اۋلاۋ ءۇشىن ارنايى تور قولداناتىندار كوپ. بۇل جىل سايىن سۋ استىنداعى تىرشىلىك يەلەرىنە, اسىرەسە, ەرەكشە قورعالاتىن بەكىرە بالىعى مەن يتبالىقتىڭ كوبەيۋىنە تەرىس اسەرىن تيگىزەدى.
«اتىراۋ وبلىسىنىڭ اكۆاتورياسىندا سۋ كەڭىستىگىن پايدالانۋ ەرەجەسى (جايىق وزەنىنىڭ ساعاسىنان سولعا جانە وڭعا 50 شاقىرىم, 3 مەتر تەرەڭدىككە دەيىن) تولىق ساقتالمايدى. جانار-جاعارماي مەن ۋاقىتتى ۇنەمدەۋ ءۇشىن نەمەسە ءتيىستى ماتەريالدىق-تەحنيكالىق بازانىڭ جوقتىعىنان بالىقشىلار ەرەجەدە كورسەتىلگەندەي, جايىق وزەنىنىڭ ساعاسىنان 50 شاقىرىم قاشىقتا جۇرمەيدى. ولار تىكەلەي تىيىم سالىنعان ايماقتا تور قۇرادى. ناتيجەسىندە, تورعا ۋىلدىرىق شاشۋعا نەمەسە قىستاۋ ءۇشىن وزەنگە كەلەتىن بالىقتار تۇسەدى. سونىڭ سالدارىنان سوڭعى جىلدارى جايىق وزەنىنە قونىس اۋداراتىن جارتىلاي وتپەلى بالىق سانى ايتارلىقتاي ازايىپ وتىر», دەيدى باسقارما باسشىسى ارتۋر سادىبەك ۇلى.
