اقمولا وبلىسى قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنىڭ حابارلاۋىنشا, قاتاڭ قاۋىپسىزدىك مەكەمەسىنىڭ سوتتالۋشىسى اباي قۇنانباي ۇلىنىڭ 176 جىلدىعىنا اقىننىڭ پورترەتىن سالىپ, ونى اتباسار كىتاپحاناسىنا سىيعا تارتتى.
«مەكتەپتە اباي ولەڭدەرىن قالاي وقىعانىمىز ەسىمدە. مەن ءوز مۇرامىزدى ماقتان تۇتامىن, كوپتەگەن ەلدەردىڭ ابايدى وقىعانىن, ءبىزدىڭ ەلدىڭ شىعارماشىلىعىمەن تانىس ەكەنىن ەستىگەندە ماقتانىش سەزىمىنە بولەندىم. قازىرگى ۇرپاقتىڭ مىندەتى - ءوز مادەنيەتىن ۇمىتپاۋ, ونى باعالاۋ, دارىپتەۋ جانە ۇرپاققا جەتكىزۋ», دەدى تۋىندى اۆتورى.
