2013 جىلدىڭ 13 جەلتوقسانى, استانا قالاسى
شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ شەگىنەن شىعارىپ جىبەرۋ ىستەرىن قاراۋدىڭ سوت پراكتيكاسى تۋرالى
سوت پراكتيكاسىن قورىتۋ ناتيجەلەرى بويىنشا شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى قۇقىق نورمالارىن بىركەلكى ءتۇسىندىرۋ جانە قولدانۋ ماقساتىندا قازاقستان رەسپۋبليكاسى جوعارعى سوتىنىڭ جالپى وتىرىسى
قاۋلى ەتتى:
1. سوتتار كورسەتىلگەن ساناتتاعى ىستەردى قاراعان كەزدە شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ شەگىنەن شىعارىپ جىبەرۋ ماسەلەلەرىن رەتتەيتىن قازاقستان رەسپۋبليكاسىنىڭ زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلگەنىن جانە قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ (بۇدان ءارى – اىجك), «اكىمشىلىك قۇقىق بۇزۋشىلىقتار تۋرالى» قازاقستان رەسپۋبليكاسى كودەكسىنىڭ (بۇدان ءارى – اقبتك), «شەتەلدىكتەردىڭ قۇقىقتىق جاعدايى تۋرالى» 1995 جىلعى 19 ماۋسىمداعى قازاقستان رەسپۋبليكاسى زاڭىنىڭ, باسقا دا نورماتيۆتىك قۇقىقتىق اكتىلەردىڭ نورمالارىن قامتيتىنىن ەسكەرگەنى ءجون.
سونىمەن قاتار سوتتار ازاماتتىق جانە ساياسي قۇقىقتار تۋرالى حالىقارالىق پاكتىنى (نيۋ-يورك, 1966 جىلعى 16 جەلتوقسان), تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ ەڭبەكشى-ميگرانتتارى مەن ولاردىڭ وتباسى مۇشەلەرىنىڭ قۇقىقتىق مارتەبەسى تۋرالى كونۆەنتسيانى (كيشينەۆ, 2008 جىلعى 14 قاراشا), ءبىر مەملەكەتتىڭ باسقا مەملەكەتتىڭ اۋماعىندا تۇراقتى تۇراتىن ازاماتتاردىڭ قۇقىقتىق مارتەبەسى تۋرالى شارتتى (ماسكەۋ, 1998 جىلعى 28 ءساۋىر) جانە قازاقستان رەسپۋبليكاسى راتيفيكاتسيالاعان باسقا دا حالىقارالىق شارتتاردى باسشىلىققا الۋى قاجەت.
2. «شەتەلدىكتەردىڭ قۇقىقتىق جاعدايى تۋرالى» زاڭعا سايكەس قازاقستان رەسپۋبليكاسىنىڭ ازاماتى ەمەس جانە ءوزiنiڭ باسقا مەملەكەتتiڭ ازاماتتىعىنا قاتىستى ەكەندiگiنiڭ دالەلi بار ادام شەتەلدىك بولىپ تانىلادى. قازاقستان رەسپۋبليكاسىنىڭ ازاماتى ەمەس جانە ءوزiنiڭ باسقا مەملەكەتتiڭ ازاماتتىعىنا قاتىستى ەكەندiگiنiڭ دالەلi جوق ادام ازاماتتىعى جوق ادام بولىپ تانىلادى (2-باپ).
3. «نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 4-بابىنىڭ 3-تارماعى تومەنگi دەڭگەيدەگi نورماتيۆتiك قۇقىقتىق اكتiلەردiڭ ارقايسىسى جوعارى دەڭگەيدەگi نورماتيۆتiك قۇقىقتىق اكتiلەرگە قايشى كەلمەۋى تيiس دەپ انىقتايدى. وسى زاڭنىڭ 6-بابىنىڭ 1-تارماعىنا سايكەس ءار ءتۇرلى دەڭگەيدەگى نورماتيۆتىك اكتىلەردىڭ نورمالارىندا قايشىلىقتار بولعان كەزدە نەعۇرلىم جوعارى دەڭگەيدەگى اكتىنىڭ نورمالارى قولدانىلادى.
كورسەتىلگەن نورمالاردان تۋىنداعانداي, اقبتك-ىنە جانە اىجك-ىنە قايشى كەلەتىن «شەتەلدىكتەردىڭ قۇقىقتىق جاعدايى تۋرالى» زاڭنىڭ 28-بابى تەك سوتتىڭ عانا ەمەس, سونداي-اق بۇعان ۋاكiلەتتىك بەرiلگەن مەملەكەتتiك ورگانداردىڭ شەتەلدىكتەردى نەمەسە ازاماتتىعى جوق ادامداردى شىعارىپ جiبەرۋ تۋرالى شەشiمدi قابىلدايتىن بولىگىندە قولدانۋعا جاتپايدى.
4. اكىمشىلىك جولمەن كەتىرۋ جانە ازاماتتىق سوت ءىسىن جۇرگىزۋ تارتىبىمەن شىعارىپ جىبەرۋ مازمۇنى بويىنشا اكىمشىلىك قۇقىق بۇزۋشىلىقتى جاساعانى نەمەسە زاڭنامانى بۇزعانى ءۇشىن سوت قاۋلىسىنىڭ (شەشىمىنىڭ) نەگىزىندە جۇزەگە اسىرىلاتىن, شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ شەگىنەن ماجبۇرلەپ شىعارىپ جىبەرۋدى نەمەسە ۋاكىلەتتى ورگانداردىڭ باقىلاۋ جاساي وتىرىپ, ولاردىڭ ءوز بەتىمەن ءوتىپ كەتۋىن بىلدىرەدى.
5. شەتەلدىكتەردى نەمەسە ازاماتتىعى جوق ادامداردى شىعارىپ جىبەرۋ تۋرالى ىستەردى قاراعان كەزدە اقبتك-ءنىڭ نورمالارىن ىسكە اسىرۋ تارتىبىمەن قولدانىلاتىن اكىمشىلىك جولمەن كەتىرۋدىڭ جانە اىجك-ىندە كوزدەلگەن ەرەكشە ءىس جۇرگىزۋ تارتىبىمەن جۇزەگە اسىرىلاتىن شىعارىپ جىبەرۋدىڭ اراجىگىن اجىراتۋى قاجەت.
6. شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ شەگىنەن اكىمشىلىك جولمەن كەتىرۋ اقبتك-ءنىڭ ەرەكشە بولىمىندە بەلگىلەنگەن تارتىپپەن جانە نەگىزدەر بويىنشا بەرىلەتىن نەگىزگى نەمەسە قوسىمشا اكىمشىلىك جازالار رەتىندە قولدانىلۋى مۇمكىن.
شىعارىپ جىبەرۋدى قولدانۋعا:
شەتەلدiكتەردiڭ, ازاماتتىعى جوق ادامداردىڭ, شەتەلدiك زاڭدى تۇلعالاردىڭ جانە حالىقارالىق ۇيىمداردىڭ كانديداتتاردى, پارتيالىق تiزiمدەرiن ۇسىنعان ساياسي پارتيالاردى ۇسىنۋعا جانە سايلاۋعا, سايلاۋدا بەلگiلi بiر ناتيجەگە قول جەتكiزۋگە كەدەرگi بولاتىن جانە (نەمەسە) ىقپال ەتەتىن قىزمەتتi جۇزەگە اسىرۋى (102-3-باپ);
قوعامدىق بiرلەستiكتەر تۋرالى زاڭداردى بۇزۋى (374-باپ);
ءدىني قىزمەت جانە ءدىني بىرلەستىكتەر تۋرالى زاڭنامانى بۇزۋى (375-باپ);
جەكە باستى كۋالاندىراتىن قۇجاتتاردى العان كەزدە نە قازاقستان رەسپۋبليكاسىندا تۇراقتى تۇرۋعا رۇقسات الۋ ءۇشىن نەمەسە قازاقستان رەسپۋبليكاسىنىڭ ازاماتتىعىنا قابىلداۋ نە قازاقستان رەسپۋبليكاسىنىڭ ازاماتتىعىن قالپىنا كەلتىرۋ تۋرالى ءوتىنىش بەرگەن كەزدە قازاقستان رەسپۋبليكاسىنىڭ مەملەكەتتىك ورگاندارىنا كورiنەۋ جالعان مالiمەتتەر بەرۋى (380-باپ);
قازاقستان رەسپۋبليكاسىنىڭ ازاماتتىعى تۋرالى زاڭنامانى بۇزۋى (380-2-باپ);
قازاقستان رەسپۋبليكاسىنىڭ مەملەكەتتiك شەكاراسى ارقىلى وتكiزۋ بەكەتتەرiندە رەجيمدi بۇزۋى (391-باپ);
قازاقستان رەسپۋبليكاسىنىڭ مەملەكەتتiك شەكاراسى رەجيمiن بۇزۋى (391-1-باپ);
شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىندا بولۋ قاعيدالارىن بۇزۋى (394-باپ);
قازاقستان رەسپۋبليكاسىندا شەتەلدىك جۇمىس كۇشىن تارتۋ قاعيدالارىن بۇزۋ جانە شەتەلدىكتىڭ نەمەسە ازاماتتىعى جوق ادامنىڭ ەڭبەك قىزمەتىن زاڭسىز جۇزەگە اسىرۋى (396-باپ) نەگىز بولىپ تابىلادى.
7. قازاقستان رەسپۋبليكاسىنىڭ شەگىنەن اكىمشىلىك جولمەن كەتىرۋ تۋرالى ءىس اكىمشىلىك قۇقىق بۇزۋشىلىق تۋرالى حاتتامانى جانە ءىستىڭ باسقا دا ماتەريالدارىن العان كۇنى قارالادى.
اقبتك-ءنىڭ 56-بابىنىڭ 2-بولىگىنە سايكەس, ەگەر اكiمشىلىك iس جۇرگiزۋ بارىسىندا اكiمشىلiك جولمەن كەتiرىلۋى مۇمكiن ادام, وزiنە قاتىستى قىلمىستىق كودەكسكە (بۇدان ءارى – قك) سايكەس اۋىر نەمەسە اسا اۋىر قىلمىس بولىپ تانىلاتىن ارەكەت جاسالعانى تۋرالى حابارلاسا, وندا iستi قاراۋ قىلمىستىق iس جۇرگiزۋ كودەكسiندە بەلگiلەنگەن تارتiپپەن شەشiم قابىلدانعانعا دەيiن كەيiنگە قالدىرىلادى.
8. اكىمشىلىك قۇقىق بۇزۋشىلىق جاساعانى ءۇشىن شەتەلدىكتى نە ازاماتتىعى جوق ادامدى قازاقستان رەسپۋبليكاسىنىڭ شەگىنەن كەتىرۋگە اكەپ سوقتىراتىن ءىستى قاراۋ كەزىندە اكىمشىلىك جاۋاپكەرشىلىككە تارتىلاتىن ادام مىندەتتى تۇردە قاتىسۋى ءتيىس.
9. اكىمشىلىك جولمەن كەتىرۋ تۋرالى شەشىمدە كورسەتىلگەن اقىلعا قونىمدى مەرزىم ىشىندە اتالعان ادامدار قازاقستان رەسپۋبليكاسىنىڭ اۋماعىنان كەتۋى ءتيىس (اقبتك-ءنىڭ 651-بابىنىڭ 2-بولىگى).
سوتتار اقىلعا قونىمدى مەرزىم دەپ شەتەلدىكتىڭ نەمەسە ازاماتتىعى جوق ادامنىڭ وزىنە قاتىستى قابىلدانعان شىعارىپ جىبەرۋ تۋرالى شەشىمدى ورىنداماعانى ءۇشىن بەلگىلەنگەن اكىمشىلىك نەمەسە قىلمىستىق جاۋاپكەرشىلىكتى ەسكەرە وتىرىپ, قاۋلىنى ورىنداۋ ءۇشىن جەتكىلىكتى مەرزىمدى ءتۇسىنۋى كەرەك (اقبتك-ءنىڭ 394-1-بابى, قك-ءنىڭ 330-1-بابى).
10. اقبتك-ءنىڭ 56-بابىنىڭ 1-بولىگى, ونىڭ ەرەجەلەرىنىڭ شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ ازاماتتىق ءىس جۇرگىزۋ زاڭناماسىندا كوزدەلگەن تارتىپپەن قولدانىلاتىن شىعارىپ جىبەرۋ جاعدايىندا قولدانىلمايتىنىن ايقىندايدى.
اقبتك-ءنىڭ 9-بابىنىڭ 1-بولىگىنە سايكەس اكiمشiلiك قۇقىق بۇزۋشىلىق جانە ونى جاساعانى ءۇشiن قولدانىلاتىن اكiمشiلiك-قۇقىقتىق ىقپال ەتۋ شارالارى تەك وسى كودەكسپەن بەلگiلەنەدi. اقبتك-ىندە بەلگiلەنگەن نەگiزدەر مەن تارتiپتەن باسقا جاعدايلاردا, ەشكiم دە اكiمشiلiك جازاعا, اكiمشiلiك-قۇقىقتىق ىقپال ەتۋ شارالارىنا نەمەسە اكiمشiلiك قۇقىق بۇزۋشىلىق تۋرالى iس جۇرگiزۋدi قامتاماسىز ەتۋ شارالارىنا تارتىلۋعا تيiس ەمەس.
كورسەتىلگەن قۇقىقتىق نورمالاردان شەتەلدىكتىڭ نەمەسە ازاماتتىعى جوق ادامنىڭ سانكتسيالار ىشىندە اكىمشىلىك جولمەن كەتىرۋ كوزدەلەتىن اكىمشىلىك قۇقىق بۇزۋشىلىقتى جاساۋدان كورىنەتىن زاڭنامانى بۇزۋ ادامدى ازاماتتىق ءىس جۇرگىزۋ تارتىبىمەن شىعارىپ جىبەرۋ نەگىزدەرىنىڭ قاتارىنان الىنىپ تاستالاتىنى تۋىندايدى.
11. قازاقستان رەسپۋبليكاسىنىڭ زاڭناماسىن بۇزعانى ءۇشىن شەتەلدىكتەردى نەمەسە ازاماتتىعى جوق ادامداردى قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى ىشكى ىستەر ورگاندارىنىڭ ءوتىنىشى بويىنشا ىستەردى قاراۋ ەرەكشە ءىس جۇرگىزۋ تارتىبىمەن جۇزەگە اسىرىلادى (اىجك-ءنىڭ 36-4-تاراۋى).
12. شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ زاڭناماسىن بۇزعانى ءۇشىن قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى ءوتىنىشتى ىشكى ىستەر ورگاندارى شەتەلدىكتەردىڭ نەمەسە ازاماتتىعى جوق ادامداردىڭ بولعان (ناقتى بولعان) جانە (نەمەسە) تىركەلگەن جەرىندەگى سوتقا بەرەدى (اىجك-ءنىڭ 317-12-بابى).
اىجك-ءنىڭ 55-بابىنىڭ 3-بولىگىنە سايكەس اتالعان ادامداردى شىعارىپ جىبەرۋ تۋرالى ءوتىنىشتى پروكۋرور دا بەرۋى مۇمكىن.
13. اىجك-ءنىڭ 317-13-بابىنىڭ تالاپتارىنا بايلانىستى شەتەلدىكتەردى نەمەسە ازاماتتىعى جوق ادامداردى شىعارىپ جىبەرۋ تۋرالى وتىنىشتە قازاقستان رەسپۋبليكاسى زاڭناماسىنىڭ بۇزىلعانىن كۋالاندىراتىن ءمان-جايلار جازىلۋى ءتيىس.
شىعارىپ جىبەرۋ تۋرالى وتىنىشكە اتالعان ادامداردىڭ زاڭنامانى بۇزۋ فاكتىلەرىن جاساعانىن راستايتىن قۇجاتتار قوسا بەرىلەدى, وعان مەملەكەتتىك ورگانداردىڭ قۇقىقتىق اكتىلەرى, سونىڭ ىشىندە سوت شەشىمدەرى, قاۋلىلارى, ۇكىمدەرى جاتادى.
14. ازاماتتىق ءىس جۇرگىزۋ تارتىبىمەن شىعارىپ جىبەرۋ تۋرالى شەشىم شىعارۋ كەزىندە سوتتار شەتەلدىكتىڭ نەمەسە ازاماتتىعى جوق ادامنىڭ جاساعان قۇقىق بۇزۋشىلىعىن ەسكەرۋى قاجەت.
سوتتار اقبتك-ءنىڭ جانە قك-ءنىڭ اكىمشىلىك جازانى الىپ تاستاۋ مەرزىمى, سوتتىلىقتى جويۋ جانە الۋ سالدارلارى تۋرالى ءتيىستى نورمالاردى باسشىلىققا الۋى كەرەك. ادام سوت قاۋلىسى ورىندالعان ساتتەن باستاپ بiر جىلدىڭ iشiندە اكiمشiلiك جازاعا ۇشىرادى دەپ ەسەپتەلمەيدi (اقبتك-ءنىڭ 66-بابى). سوتتىلىقتى جويۋ نەمەسە الۋ سوتتىلىققا بايلانىستى بارلىق قۇقىقتىق زارداپتاردىڭ كۇشiن جويادى (قك-ءنىڭ 77-بابىنىڭ 7-بولىگى).
15. شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى ءوتىنىشتى سوت ءىس قوزعالعان ساتتەن باستاپ ون كۇن ىشىندە شەتەلدىكتىڭ نەمەسە ازاماتتىعى جوق ادامنىڭ, سونداي-اق پروكۋروردىڭ مىندەتتى تۇردە قاتىسۋىمەن قارايدى.
شەتەلدىكتىڭ نەمەسە ازاماتتىعى جوق ادامنىڭ سوت وتىرىسىنا كەلمەۋى, وعان قاتىستى حابارلانعانى جونىندە مالىمەتتەر بولماسا, ءىستى قاراۋدى كەيىنگە قالدىرۋ ءۇشىن نەگىز بولىپ تابىلادى (اىجك-ءنىڭ 187-بابىنىڭ 2-بولىگى).
وسى ادامداردىڭ ناقتى بولعان جەرى بەلگىسىز بولسا جانە ولاردى شىعارىپ جىبەرۋ تۋرالى ءوتىنىشتى زاڭدا بەلگىلەنگەن مەرزىمدە قاراۋ مۇمكىن بولماسا, سوت ىزدەستىرۋ جاريالاۋعا مىندەتتى (اىجك-ءنىڭ 135-بابىنىڭ 2-بولىگى), سونداي-اق ءىس بويىنشا ءىس جۇرگىزۋدى توقتاتا تۇرۋعا قۇقىلى (اىجك-ءنىڭ 243-بابىنىڭ 4) تارماقشاسى).
16. شىعارىپ جىبەرۋ ءۇشىن سوتتىڭ بەلگىلەيتىن مەرزىمدەرى اقىلعا قونىمدى بولۋى ءتيىس.
شەتەلدىك نەمەسە ازاماتتىعى جوق ادام قازاقستان رەسپۋبليكاسىنىڭ اۋماعىنان كەتۋى ءتيىس مەرزىمدى انىقتاعان كەزدە شىعارىپ جىبەرۋ راسىمدەرىن قارجىلاندىرۋ ەرەكشەلىكتەرى ەسكەرىلۋى قاجەت.
اىجك-ءنىڭ 317-14-بابىنىڭ 3-بولىگىنە سايكەس سوت شىعىندارىن, سونداي-اق شىعارىپ جىبەرۋ بويىنشا شىعىنداردى شىعارىپ جىبەرىلەتىن شەتەلدىكتەر نەمەسە ازاماتتىعى جوق ادامدار نە قازاقستان رەسپۋبليكاسىنا ولاردى شاقىرعان ۇيىمدار نەمەسە جەكە تۇلعالار كوتەرەدى. اتالعان ادامداردىڭ شىعارىپ جىبەرۋ بويىنشا شىعىستاردى وتەۋگە قاراجاتى بولماعان نە جەتكىلىكسىز بولعان جاعدايلاردا, ءتيىستى ءىس-شارالاردى قارجىلاندىرۋ بيۋدجەت قاراجاتى ەسەبىنەن جۇرگىزىلەدى.
17. شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى سوت شەشىمى ونى قابىلداعان كۇننەن باستاپ زاڭدى كۇشىنە ەنەدى جانە شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ شەگىنەن شىعارىپ جىبەرۋ ءۇشىن نەگىز بولىپ تابىلادى (اىجك-ءنىڭ 317-15-بابى).
18. اىجك-ءنىڭ 332-بابىنىڭ تالاپتارىنا سايكەس, شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى سوت شەشىمى اپەللياتسيالىق تارتىپپەن شاعىم بەرۋگە جانە نارازىلىق كەلتىرۋگە جاتپايدى, بىراق كاسساتسيالىق جانە قاداعالاۋ تارتىبىمەن قايتا قارالۋى مۇمكىن.
شاعىم نەمەسە نارازىلىق شىعارىپ جىبەرۋ ءۇشىن بەلگىلەنگەن مەرزىمنەن كەشىكتىرىلمەي تۇسكەن جاعدايدا, شەتەلدىكتى نەمەسە ازاماتتىعى جوق ادامدى قازاقستان رەسپۋبليكاسىنىڭ شەگىنەن شىعارىپ جىبەرۋ تۋرالى سوت شەشىمى كاسساتسيالىق ساتى شەشىم قابىلداعانعا دەيىن توقتاتىلا تۇرۋى ءتيىس (اىجك-ءنىڭ 317-16-بابى). مۇنداي جاعدايدا بولەك سوت اكتىسىن شىعارۋ تالاپ ەتىلمەيدى.
شىعارىپ جىبەرۋ تۋرالى سوت شەشىمى وزگەرىسسىز قالدىرىلعان كەزدە كاسساتسيالىق نەمەسە قاداعالاۋ ساتىسىنىڭ قاۋلىسىندا شەتەلدىكتىڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ اۋماعىنان كەتۋگە ءتيىس جاڭا مەرزىم كورسەتىلەدى.
19. قازاقستان رەسپۋبليكاسى كونستيتۋتسياسىنىڭ 4-بابىنا سايكەس, وسى نورماتيۆتىك قاۋلى قولدانىستاعى قۇقىق قۇرامىنا قوسىلادى, سونداي-اق جالپىعا بىردەي مىندەتتى بولىپ تابىلادى جانە رەسمي جاريالانعان كۇنىنەن باستاپ كۇشىنە ەنەدى.
قازاقستان رەسپۋبليكاسى جوعارعى سوتىنىڭ توراعاسى ق.ءمامي.
قازاقستان رەسپۋبليكاسى جوعارعى سوتىنىڭ سۋدياسى,
جالپى وتىرىس حاتشىسى د.نۇرالين.
