بقو دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ءابدىراحمانوۆانىڭ وڭىرلىك كوممۋنيكاتسيالار قىزمەتى الاڭىندا ءمالىم ەتكەنىندەي, ولاردىڭ 66,8 پايىزىنىڭ اۋرۋى جەڭىل وتۋدە.
13,6 پايىزىنىڭ جاعدايى ورتاشا اۋىر. 19,6 پايىزى – سيمپتومى جوقتار. وبلىستىق جەدەل جاردەم ستانساسىنا سوڭعى تاۋلىكتە بارلىعى 1115 قوڭىراۋ شالىندى, سونىڭ ىشىندە كۆي بويىنشا – 181, ستاتسيونارلارعا جاتقىزىلعاندار سانى – 50.
گۇلنار ماقسوتقىزىنىڭ سوزىنە قاراعاندا, قازىرگى تاڭدا 1459 توسەكتىك 20 ينفەكتسيالق ستاتسيوناردا (ونىڭ التاۋى قالادا, قالعانى اۋدانداردا) بارلىعى 667 ادام ەمدەلۋدە. سونىڭ ىشىندە 109 توسەكتىك جانساقتاۋ بولىمشەلەرىندە 53 ناۋقاس جاتىر. بۇلاردىڭ ىشىندە 50-ءى اۋىر, ۇشەۋى اسا اۋىر حالدە. 50,9 پايىزى – ىلەسپەلى پاتولوگياسى بار 60 جاستان اسقاندار. 40 ناۋقاستىڭ سوزىلمالى دەرتى بار, 29-ى جۇرەك-قان تامىرلارى اۋرۋلارىنا, 11-ءى قانت ديابەتىنە شالدىققان. ءينۆازيۆتى جاساندى تىنىس الۋ اپپاراتىنا 1, ءينۆازيۆتى ەمەس وسىنداي قۇرىلعىعا 31, وتتەگى كونتسەنتراتورىنا 18 ناۋقاس قوسىلعان.
«ينفەكتسيالىق ستاتسيونارلاردا جاتقانداردىڭ 98 پايىزدان استامى ۆاكتسينا الماعان. ال جانساقتاۋ بولىمشەسىندەگىلەر تۇگەلدەي ەگىلمەگەن», دەدى گ.ءابدىراحمانوۆا.
كۇنى بۇگىنگە دەيىن وبلىستا 181 491 ادام ۆاكتسينانىڭ ءبىرىنشى, 138 911-ءى ەكىنشى كومپونەنتىمەن ەگىلگەن. ىندەت باستالعاننان بەرى كوروناۆيرۋس جۇقتىرعان 32 844 ناۋقاستىڭ 25 084-ءى نەمەسە 76,3 پايىزى جازىلىپ شىقتى. 606 ادام كوز جۇمدى.
