الەم • 13 تامىز, 2021

تۇركياداعى سۋ تاسقىنىنان 17 ادام قازا تاپتى

460 رەت

كورسەتىلدى

1 مين

وقۋ ءۇشىن

تۇركيانىڭ قارا تەڭىز جاعالاۋىنداعى پروۆينتسيالاردا سۋ تاسقىنى سالدارىنان 17 ادام قازا تاپتى, دەپ حابارلايدى Egemen.kz.

گاۋھار قاپاش

تۇركياداعى سۋ تاسقىنىنان 17 ادام قازا تاپتى

بيلىك مالىمەتىنشە, كاستامونۋ پروۆينتسياسىندا سۋ تاسقىنىنان 15 ادام, سينوپتا ەكى ادام قازا بولعان.

اپاتتار مەن توتەنشە جاعدايلاردى جويۋ باسقارماسى (AFAD) زارداپ شەككەن اۋدانداردان تىكۇشاقتار مەن قايىقتار ارقىلى 1400-دەن اسا ادام ەۆاكۋاتسيالانعانىن جانە 740-قا جۋىق ادام ستۋدەنتتىك جاتاقحانالارعا ورنالاستىرىلعانىن حابارلادى.

سۋ تاسقىنى سالدارىنان ەنەرگەتيكالىق ينفراقۇرىلىم بۇزىلعان, ناتيجەسىندە 330-عا جۋىق اۋىل ەلەكتر جارىعىنسىز قالدى. AFAD مالىمەتتەرى بويىنشا, بەس كوپىر قيراپ, جولداردىڭ جابىلۋىنا اكەلگەن.

اگەنتتىك مالىمەتىنە سۇيەنسەك, ەل پرەزيدەنتى رەجەپ تايىپ ەردوعان سۋ تاسقىنىنان زارداپ شەككەندەرگە كوڭىل ايتتى.

نوسەر سالدارىنان پايدا بولعان سۋ تاسقىنى سينوپ, بارتىن, قارابۇك جانە كاستامونۋ پروۆينتسيالارىنا اسەر ەتتى. AFAD اقپاراتىنا سايكەس, ايماقتا ىزدەۋ-قۇتقارۋ جۇمىستارى جالعاسىپ جاتىر.