قوعام • 13 تامىز، 2021

بالالاردىڭ دامۋى بويىنشا فورسايت-زەرتتەۋ جۇرگىزەدى

22 رەت كورسەتىلدى

«رۋحاني جاڭعىرۋ» قازاقستاندىق قوعامدىق دامۋ ينستيتۋتى (ققدي) الاڭىندا Rapid Foresight ادىستەمەسى نەگىزىندە قازاقستاندا 2035 جىلعا دەيىنگى بالالىق شاق دامۋىنىڭ بولجامى مەن ستسەناريىن قالىپتاستىرۋ بويىنشا فورسايت-زەرتتەۋ باستالدى. سەسسياعا قاتىسۋشىلار ءۇشىن اتالعان تەحنولوگيامەن تانىسۋ ماقساتىندا سەمينار-ترەنينگتەر سەرياسى وتكىزىلدى.

«بالالىق شاق» فورسايت-زەرتتەۋلەرى «كەمەل بولاشاق» ورتالىعىنىڭ قىزمەتىن قۇرۋ جانە قولداۋ» جوباسى اياسىندا جۇزەگە اسىرىلىپ جاتىر. بۇل زەرتتەۋ قوعامدىق سانانى جاڭعىرتۋ باعىتتارىن ەسكەرە وتىرىپ، قازاقستاندا بالا دامۋىنىڭ ستراتەگياسىن قۇرۋعا كومەكتەسەدى دەپ جوسپارلانۋدا.

ينستيتۋت الاڭىندا فورسايت-زەرتتەۋلەر قۇرامىنا كىرەتىن وقۋ سەمينارلارى اياقتالدى. ولاردى Rapid Foresight ادىستەمەسى بويىنشا مودەراتور، «جاڭا كاسىپتەر اتلاسى» جوباسى جەتەكشىسىنىڭ ورىنباسارى ەۆگەني ۆينوگرادوۆ جۇرگىزدى.

شاراعا 40-قا جۋىق ساراپشى، ۇەۇ، مەملەكەتتىك ورگانداردىڭ وكىلدەرى جانە ققدي قىزمەتكەرلەرى قاتىستى. قاتى­سۋشىلار وزدەرى ءۇشىن فورسايت ۇعىمىن، ونىڭ ماڭىزى مەن نەگىزگى كەزەڭدەرىن انىقتادى.

فورسايت-زەرتتەۋلەرى ءۇشىن قولدا­نىلاتىن Rapid Foresight تەحنولوگياسى – زەرتتەلەتىن ورتادا بولىپ جاتقان وز­گە­رىستەردى سيپاتتاۋعا، بولاشاقتىڭ بەي­نەسىن جانە وعان جەتۋ ءۇشىن قاجەتتى وز­گە­رىستەردىڭ جوبالارىن كەلىسۋگە مۇم­كىندىك بەرەتىن توپتىق پىكىرتالاستار جي­ىنتىعى. «بولاشاقتىڭ بەينەسىن كورۋ ءۇشىن ساراپشىلار توبى قازىرگى جاع­دايدى قاراستىرادى، ونىڭ دامۋىن بولجايدى، قاتەرلەر مەن مۇمكىندىكتەردى تالقىلايدى جانە قاتەرلەردى توقتاتۋ مەن مۇمكىندىكتەردى پاي­دالانۋ ءۇشىن قاجەت ءتۇرلى قولداۋ شارالارىن ۇسىنادى. وسىدان كەيىن ساراپشىلار دامۋ جوبالارىن جاسايدى، ياعني ىقتيمال نۇسقالاردان وڭتايلى بولاشاققا جەتۋ ءۇشىن بۇگىن نە ىستەۋ كەرەكتىگىن ايتادى»، دەيدى ەۆگەني ۆينوگرادوۆ.

ال الداعى قىركۇيەك ايىندا ققدي الاڭىندا بىرقاتار ماماننىڭ قاتى­سۋىمەن بالالار بولاشاعى تۋرالى فورسايت-سەسسياسى جوسپارلانعان. ء«بىز ءۇشىن بالالارمەن قارىم-قاتىناستىڭ ءارتۇرلى جاقتارىن، اكتەرلەردى مۇمكىندىگىنشە قامتۋ ماڭىزدى. قازىر ءبىز الدىن الا قاراۋ سەسسياسىندا تالقىلاۋعا بولاتىن نەگىزگى اسپەكتىلەردى انىقتاۋ بويىنشا الدىن الا جۇمىستار جۇرگىزىپ جاتىرمىز»، دەيدى ول.

ەسكە سالساق، وتكەن جىلدىڭ باسىندا ققدي 2035 جىلعى جاس قازاقستاندىقتىڭ بەينەسى، ينكليۋزيۆتى دۇنيەتانىم مەن ينكليۋزيۆتى قوعامدى قالىپتاستىرۋ، سون­داي-اق «قازاقستان حالىقارالىق ارەنادا» باعىتى بويىنشا فورسايت-سەسسيالارىن وتكىزدى. بۇل سەسسيالار Rapid Foresight ادىستەمەسى نەگىزىندە جۇرگىزىلدى.

 

دايىنداعان

جولدىباي بازار،

«Egemen Qazaqstan»

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار