Aemet وكىلى رۋبەن دەل كامپو سارسەنبىدە باستالاتىن جوعارى تەمپەراتۋرا قالىپتى ەمەس ەكەنىن جەتكىزگەن. ونىڭ سوزىنە سۇيەنسەك, اپتاپ ىستىق ناعىز قىزعان شاعىنا ەندى شىقپاق.
«ەلدە تىركەلگەن تەمپەراتۋرا رەكوردى جاڭارتىلاتىنىن جوققا شىعارا المايمىز», دەيدى ول. سينوپتيكتەردىڭ بولجامىنا سايكەس, بەيسەنبىدەن باستاپ اۋا تەمپەراتۋراسى ەلدىڭ وڭتۇستىك جارتىسىندا, اتاپ ايتقاندا, گۆادالكۆيۆير القابىندا 44 گرادۋستان 45 گرادۋسقا دەيىن جەتۋى مۇمكىن.
اپتاپ ىستىق كانتابريانىڭ سولتۇستىگى مەن گاليسيانىڭ ءبىر بولىگىن قوسپاعاندا, بۇكىل يسپانياعا اسەر ەتەدى. جۇما مەن سەنبى ەڭ ىستىق كۇندەر بولۋى مۇمكىن. تەرمومەتر كورسەتكىشى پيرەنەي تۇبەگىنىڭ وڭتۇستىگىندە, شىعىسىندا جانە ورتالىعىندا جانە بالەار ارالدارىندا 40 گرادۋسقا دەيىن كوتەرىلەدى.
سونىمەن قاتار اندالۋسيانىڭ وڭتۇستىك ايماعىندا ەڭ جوعارى تەمپەراتۋرا 44 گرادۋستان اسادى دەپ كۇتىلەدى. ءتۇن دە ىستىق بولماق. جەكسەنبىدە اپتاپ ىستىق تومەندەيدى, ال دۇيسەنبىدە اۋا تەمپەراتۋراسى قالىپقا كەلەدى دەپ كۇتىلىپ وتىر.
