ايماقتار • 12 تامىز، 2021

بقو-دا «Ashyq» جوباسىن قولدانۋشىلار سەنبى مەن جەكسەنبىدە دە قىزمەت كورسەتەدى

48 رەت كورسەتىلدى

باتىس قازاقستان وبلىسىندا «Ashyq» جوباسىن پايدالاناتىن كاسىپكەرلىك نىساندارعا سەنبى، جەكسەنبى كۇندەرى دە جۇمىس ىستەي بەرۋىنە رۇقسات بەرىلدى دەپ حابارلايدى Egemen.kz.

پاندەميا باستالعالى بەرى باتىس قازاقستان وبلىسىندا 32 683 ادامنىڭ كوروناۆيرۋستىق ينفەكتسيا جۇقتىرعانى تىركەلگەن. ال 1 تامىزدان بەرى COVID-19 1508 ادامنان انىقتالدى.

ناۋقاستىڭ كوبى، ياعني 553 ادام ورال قالاسىندا تىركەلگەن. سونداي-اق ءبورلى اۋدانىندا 258، بايتەرەك اۋدانىندا 229، تەرەكتى اۋدانىندا 83، قازتالوۆ اۋدانىندا 76 ادامنىڭ كوروناۆيرۋس جۇقتىرعانى انىقتالدى.

باتىس قازاقستان وبلىستىق سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا، سوڭعى اپتادا وتكەن اپتامەن سالىستىرعاندا اۋرۋشاڭدىق 11،1%-عا تومەندەگەن.

وبلىستا 11 تامىز كۇنى كوروناۆيرۋس دياگنوزىمەن 169 ناۋقاس جاڭادان تىركەلدى. ولاردىڭ تەڭ جارتىسى – جۇمىس ىستەيتىن ادامدار بولسا، 4 پايىزعا جۋىعى – بالاباقشاعا، لاگەرگە بارمايتىن بالالار ەكەن.

«Ashyq» قوسىمشاسى «سارى» نەمەسە «قىزىل» دارەجەسى بولا تۇرا كارانتين ءتارتىبىن ساقتاماي، كوپشىلىك ورىندارعا باراتىن تۇلعالاردى انىقتاۋعا سەپتىگىن تيگىزۋدە. سوڭعى اپتادا عانا وسىنداي 36 ادام اشكەرە بولعان. ولارعا اكىمشىلىك كودەكستىڭ 425-بابى، 1-بولىگى بويىنشا جالپى كولەمى 2 289 845 تەڭگە مولشەرىندە بارلىعى 53 اكىمشىلىك حاتتاما تولتىرىلعان ەكەن.

ەلىمىزدە كوروناۆيرۋسقا قارسى ەكپە ناۋقانى باستالعالى باتىس قازاقستان وبلىسىندا ۆاكتسينانىڭ 1-ءشى كومپونەنتىمەن 179 964 ادام، 2-ءشى كومپونەنتىمەن 137 440 ادام ەگىلدى. بۇگىندە وبلىس بويىنشا بارلىعى 62 ەكپە پۋنكتى جۇمىس ىستەپ تۇر.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار