«2021 جىلدىڭ 5 ايىندا سىرتقى ساۋدا اينالىمى 36,4 ملرد اقش دوللارىنا جەتتى, سونداي-اق بىلتىرعى سايكەس كەزەڭگە قاراعاندا ەكسپورت 5,5 پايىزعا ءوسىپ, 22,9 ملرد دوللاردى قۇرادى. ونىڭ ىشىندە شيكىزاتتىق ەمەس تاۋارلارعا 7,2 ملرد دوللار تيەسىلى بولدى», دەدى جانەل كۋشۋكوۆا مينيسترلىكتىڭ القا ماجىلىسىندە.
ونىڭ ايتۋى بويىنشا, بيىلعى قاڭتار-مامىر كەزەڭىندە قازاقستاننىڭ يمپورتى دا 12,1 پايىزعا ءوسىپ, 14,7 ملرد اقش دوللارىن قۇرادى. ونىڭ ىشىندە شيكىزاتتىق ەمەس تاۋارلاردىڭ يمپورتى 12,6 پايىزعا ارتىپ 13,5 ملرد دوللار بولدى. ال شيكىزاتتىق تاۋارلار يمپورتى 7 پايىزعا ءوسىپ, 1,2 ملرد دوللارعا جەتتى.
«بارلىق نەگىزگى سەرىكتەستەرمەن, ياعني ەاەو, تمد ەلدەرىمەن, قىتاي, گەرمانيا, يسپانيا جانە باسقا دا ەلدەرمەن ساۋدا كولەمى ەلەۋلى تۇردە ارتقانى بايقالدى», دەدى ۆيتسە-مينيستر.
