«قازىر بالالاردىڭ كوروناۆيرۋستى جەڭىل قابىلدايتىنى انىقتالدى, بىراق 6-12 ايدان كەيىن كوپشىلىگىندە پوستكوۆيدتى سيندروم پايدا بولادى. ول كەز كەلگەن ورگانعا اسەر ەتەدى ءارى وتە اۋىر وتەدى. سوندىقتان اتا-انالار بارىنشا ساق بولۋى كەرەك», دەيدى ف.اعىباەۆا.
مامان جاس ناۋقاستاردا اۋرۋدى دياگنوستيكالاۋدىڭ قيىندىعى تۋرالى ايتتى.
«كوبىنەسە سىرقاتتانعان بالالاردىڭ قانىندا ۆيرۋس جۇقتىرعانىن كورسەتەتىن م يممۋنوگلوبۋلينىن تاپپايمىز. ال ءبىراز ۋاقىتتان كەيىن اعزادا قورعانىش دەنەلەرى پايدا بولادى, بۇل ادەتتە كوروناۆيرۋستان جازىلعان كەزدە بولاتىن قۇبىلىس», دەپ اتاپ ءوتتى دارىگەر.
ونىڭ ايتۋىنشا, كوروناۆيرۋستىڭ «دەلتا» شتامى ۆاكتسينا الماعان جاستار اراسىنا كوبىرەك تارالىپ جاتىر. ۆيرۋس جۇقتىرعانداردىڭ 37%-ى - 20 مەن 40 جاس ارالىعىنداعى ازاماتتار. ءبىر جاسقا دەيىنگى جانە سوزىلمالى پاتولوگياسى بار بالالار دا ءجيى اۋىرا باستاعان.
«كوروناۆيرۋس بالالارعا اتا-اناسىنان جۇعۋى مۇمكىن. سوندىقتان بالالاردىڭ قوعامدىق ورىندارعا بارۋىن شەكتەۋ كەرەك. ولاردى وزىڭىزبەن دۇكەنگە اپارماڭىز جانە قوعامدىق كولىكپەن سيرەك ءجۇرىڭىز. قازىر كوروناۆيرۋسقا قارسى ۆاكتسينا الۋ ماڭىزدى, بۇل بالالارعا قاۋىپسىز ورتا قالىپتاستىرۋ ءۇشىن كەرەك», دەيدى دارىگەر.
