الەم • 12 تامىز، 2021

تۇركيادا الاپات سۋ تاسقىنى بولدى

1016 رەت كورسەتىلدى

تۇركيادا ورمان ورتىنەن كەيىن سۋ تاسقىنى باستالدى، دەپ حابارلايدى Egemen.kz.

بۇل تۋرالى Reuters اگەنتتىگى مالىمدەدى.

قاتتى جاۋىن-شاشىننان بولعان سۋ تاسقىنى تۇركيانىڭ قارا تەڭىز جاعالاۋىنداعى كوپىردى قيراتىپ، بىرنەشە ەلدى مەكەندى جارىقسىز قالدىردى.

سۋ تاسقىنى سينوپ، بارتىن، قارابيۋك جانە كاستامونۋ پروۆينتسيالارىنا اسەر ەتتى. تۇركيانىڭ سولتۇستىگىندەگى بارتىن پروۆينتسياسىندا كوپىر قۇلادى. توتەنشە جاعداي سالدارىنان 13 ادام زارداپ شەگىپ، ءبىر ادام ينفاركتتان قايتىس بولدى. سونىمەن قاتار قۇتقارۋ قىزمەتكەرلەرى جوعالعان 80 جاستاعى ايەلدى ىزدەستىرىپ جاتىر.
 
پرەمەر‐مينيستر جانىنداعى توتەنشە جاعدايلار جانە اپاتتار باسقارماسى (AFAD) مالىمەتى بويىنشا، 12 اۋىلدا ەلەكتر قۋاتى ۇزىلگەن. سونداي-اق عيماراتتاردىڭ ءبىرىنشى قاباتتارى سۋ استىندا قالعان.
 
بارتىننان 240 شاقىرىم جەردە ورنالاسقان سينوپ پروۆينتسياسىندا سۋ تاسقىنى سالدارىنان ءبىر ءۇي قۇلادى. پروۆينتسيانىڭ تابيعي اپاتتان زارداپ شەككەن اۋداندارىندا كوپ ءۇي مەن كاسىپورىندى سۋ باستى. شەنەۋنىكتەر بۇل ايماقتاعى مەملەكەتتىك اۋرۋحانا ساقتىق شاراسى ءۇشىن ەۆاكۋاتسيالانعانىن حابارلادى.
 
دەرەكتەرگە سايكەس، قازىرگى ۋاقىتتا ىزدەستىرۋ-قۇتقارۋ جۇمىستارى جۇرگىزىلىپ جاتىر. تۇرعىندار سۋ باسقان ۇيلەردەن ۇرلەمەلى قايىقتارمەن كوشىرىلىپ جاتىر.
 
ەسكە سالايىق، شىلدەنىڭ سوڭىنان باستاپ تۇركيادا ورمان ورتتەرى ءورشىپ تۇر. تانىمال كۋرورتتار 13 پروۆينتسياداعى ورمان ءورتى سالدارىنان تۋريستىك ماۋسىمنىڭ ورتاسىندا وت پەن تۇتىنگە وراندى. كەيبىر جەرلەردە جالىن تۇرعىن ۇيلەر مەن قوناق ۇيلەرگە جاقىندادى، تۋريستەر مەن جەرگىلىكتى تۇرعىندار ەۆاكۋاتسيالاندى. كەيىن تەرروريستىك ۇيىم تۇركياداعى ءورت ءۇشىن جاۋاپكەرشىلىكتى ءوز موينىنا الدى.
سوڭعى جاڭالىقتار

ۇقساس جاڭالىقتار