تاحار پروۆينتسياسىنىڭ زاڭنامالىق ورگانى توراعاسىنىڭ ورىنباسارى رۋحوللا راۋفي قاۋىپسىزدىك كۇشتەرىنىڭ قىزمەتكەرلەرى مەن جەرگىلىكتى بيلىك وكىلدەرى فارحار ۋەزىنە كوشكەنىن جەتكىزدى. ونىڭ ايتۋىنشا, تالىبتەر بارلىق قوعامدىق ورىندارعا باسا كوكتەپ كىرگەن. سونداي-اق جەرگىلىكتى تۇرمەدەن سوتتالعانداردى بوساتقان.
سونىمەن قاتار سودىرلار تالۋكانعا شابۋىل جاساي باستاعانىنا ەكى اپتاعا جۋىقتاعان. «تاليبان» قوزعالىسىنىڭ مالىمەتىنە سايكەس, ولار تالۋكانداعى بارلىق قوعامدىق عيماراتتى ءوز قاراماعىنا العان. وسىلايشا, «تاليبان» باسىپ العان اۋعان پروۆينتسيالارىنىڭ اكىمشىلىك ورتالىقتارىنىڭ سانى بەسكە جەتتى.
بۇعان دەيىن «تاليبان» ساري-پۋل جانە كۋندۋز پروۆينتسيالارىنىڭ اكىمشىلىك ورتالىقتارىن باسىپ العان بولاتىن. ال ءبىر كۇن بۇرىن تالىبتەر ەلدىڭ سولتۇستىگىندەگى دجۋزكان پروۆينتسياسىنىڭ استاناسى – شيبيرگان قالاسىنا كىردى. «تاليبان» قوزعالىسى اۋعانستان اۋماعىنىڭ 80 پايىزىن باقىلاۋعا العانىن ايتتى. بۇۇ مالىمەتىنشە, سوڭعى ءبىر ايدا تالىبتەردىڭ شابۋىلى سالدارىنان اۋعانستاننىڭ 1 مىڭنان استام بەيبىت تۇرعىنى قازا بولدى.
