الەم • 12 تامىز، 2021

قىتاي كاراوكەنى باقىلاماق

74 رەت كورسەتىلدى

قىتاي ۇلتتىق بىرلىككە قاۋىپ تون­دىرەدى دەگەن جەلەۋمەن «زاڭسىز ماز­مۇنى بار» كاراوكە اندەرىنە تى­يىم سال­ماق. وسىلايشا، بەيجىڭ بيلىگى ەلدەگى 50 مىڭعا جۋىق ويىن-ساۋىق ورنىن باقىلاپ، اۋماقتىق تۇتاستىققا، ءدىني سايا­ساتقا قاۋىپ توندىرەتىن اندەردى شەكتەمەك. ونىڭ ورنىنا ماتىنىندە كوم­مۋنيستىك پارتيانىڭ ۇستانىمىنا قارسى كەلمەيتىن اندەر قويىلۋعا ءتيىس.

قىتاي مادەنيەت جانە تۋريزم مي­نيستر­­لىگىنىڭ حابارلاۋىنشا، 1 قازان­نان باس­تاپ، بۇكىل ەلدە «زاڭسىز مازمۇنى بار» ان­دەردى قويۋعا تىيىم سالىنادى. وسى مەر­زىمگە دەيىن «قارا تىزىمگە» ەنگەن ولە­ڭدەر تۋرالى تولىققاندى مالىمەت بەرىلمەك.

مينيسترلىكتىڭ ايتۋىنشا، ۇلتتىق بىرلىككە، ەگەمەندىككە نەمەسە تەر­ري­تو­ريا­لىق تۇتاستىققا قاۋىپ توندىرەتىن، كۋلتتەردى، ىرىمداردى ناسيحاتتاۋ ارقى­لى مەملەكەتتىك ءدىني ساياساتتى بۇزا­تىن نەمەسە قۇمار ويىندار مەن ەسىرت­كى ءتارىزدى زاڭسىز ارەكەتتەردى ناسيحاتتايتىن مازمۇنداعى اندەر «قارا تىزىمگە» ەنگىزىلمەك.

كاراوكە قوجايىندارى شىرقالاتىن اندەردىڭ مازمۇنىنا جاۋاپتى بولماق. ايتسە دە، قىتايدا 50 مىڭنان استام ويىن-ساۋىق ورنى مەن 100 مىڭنان استام ءان بار. بۇل باقىلاۋدى قيىنداتپاق.

مينيسترلىك كاراوكەلەرگە «زاڭسىز مازمۇنى بار» اندەردىڭ ورنىنا ساياساتقا ساي، كوتەرىڭكى مۋزىكا قويۋعا كەڭەس بەردى.

قىتاي زورلىق-زومبىلىقتى، پورنوگرافيانى ناسيحاتتايتىن بۇكىل كونتەنتكە تىيىم سالعان. سونداي-اق الەۋمەتتىك جەلىلەر مەن ۆەب-سايتتاردى باقىلاپ، سايا­سي تاقىرىپتا سىني پىكىر جازاتىنداردى قۋدالايدى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار