پرەزيدەنت • 11 تامىز، 2021

مەملەكەت باسشىسى ۇلتتىق بانك توراعاسىنىڭ ەسەبىن تىڭدادى

70 رەت كورسەتىلدى

مەملەكەت باسشىسىنا بيىلعى 7 ايداعى اقشا-نەسيە ساياساتىن ىسكە اسىرۋدىڭ الدىن الا قورىتىندىلارى تۋرالى ەسەپ بەرىلدى، دەپ حابارلايدى Egemen.kz.

ۇلتتىق بانك توراعاسى پرەزيدەنتكە كوروناۆيرۋستىڭ جاڭا تولقىنىنىڭ تارالۋىنا بايلانىستى حالىقارالىق ۆاليۋتا قورىنىڭ الەمدىك ەكونوميكانى قالپىنا كەلتىرۋ قارقىنى مەن قارجى نارىقتارىن تۇزەتۋگە قاتىستى بولجامداردى قايتا قاراعانى جونىندە اقپارات بەردى.

اڭگىمەلەسۋ بارىسىندا الەمدىك ەكونوميكانى قالپىنا كەلتىرۋدە ينفلياتسيا مەن ينفلياتسيالىق بولجامدار باستى كەدەرگى ەكەنى اتاپ ءوتىلدى. مەملەكەت باسشىسىنا ەلىمىزدەگى ينفلياتسيانىڭ جىلدام ءوسۋ سەبەبى (2021 جىلعى شىلدەدەگى قورىتىندى بويىنشا – 8،4%) جانە ينفلياتسيانى تۇراقتاندىرۋ ماقساتىندا ۇلتتىق بانكتىڭ بازالىق مولشەرلەمەنى (9،25%-عا دەيىن) كوتەرۋ تۋرالى شەشىمى جونىندە مالىمەت بەرىلدى.

ەربولات دوساەۆ كارانتيندىك شەكتەۋلەر كەزىندە ىسكەرلىك بەلسەندىلىكتى بىرتىندەپ قالپىنا كەلتىرۋ، ۇلتتىق بانكتىڭ التىن-ۆاليۋتا قورى مەن ۇلتتىق قورداعى قاراجاتتىڭ جاعدايى، سونداي-اق، زەينەتاقى اكتيۆتەرى ءوسىمىنىڭ وڭ ديناميكاسى تۋرالى دا باياندادى. پرەزيدەنتكە تولەم بالانسىنىڭ اعىمداعى شوتى تۋرالى ايتىلدى.

الدىن الا مالىمەتتەرگە قاراعاندا، ءبىرىنشى جارتىجىلدىقتا ەكونوميكالىق بەلسەندىلىكتىڭ ارتۋى مەن تۇتىنۋشىلىق يمپورتتىڭ ءوسۋى سالدارىنان 1،7 ميلليارد اقش دوللارى كولەمىندە تاپشىلىق قالىپتاسقان.

اڭگىمەلەسۋ سوڭىندا قاسىم-جومارت توقاەۆ ۇلتتىق قوردىڭ اكتيۆتەرىن ساقتاۋعا جانە ارتتىرۋعا ەرەكشە نازار اۋدارىپ، ۇكىمەتپەن بىرلەسىپ ينفلياتسيانى تۇراقتاندىرۋ بويىنشا ءتيىمدى شارالار قابىلداۋدى تاپسىردى.

 

 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار