«قاۋىپتى ۆيرۋستىڭ تارالۋى كۇننەن-كۇنگە ورشۋدە. بۇل – بارشامىزدى قاتتى الاڭداتىپ وتىرعان جاعداي. وسى كەزگەدەيىن ۆاكتسينالاۋعا قاتىستى بىرنەشە جيىن ءوتتى. ناقتى تاپسىرمالار بەرىلدى. بىراق, جۇمىس قارقىنى ءالى دە تومەن. بۇعان باستى سەبەپ – ۆاكتسينالاۋعا قاتىستى جۇمىستىڭ قاجەتتى دەڭگەيدە ۇيىمداستىرىلماۋى» دەءدى ماحامبەت دوسمۇحامبەتوۆ.
اكىمنىڭ ايتۋىنشا, ۆاكتسينالاۋ – ىندەتتىڭ الدىن الۋعا عانا ەمەس, ۇجىمدىق يممۋنيتەتتى قالىپتاستىرۋدىڭ جالعىز جولى. سول سەبەپتەن, باسقارما باسشىلارىنا باعىنىستى مەكەمەلەردەگى قىزمەتكەرلەردى ۆاكتسيناتسيالاۋ دەڭگەيىن 90 پايىزعا دەيىن جەتكىزۋ جۇكتەلءدى.
«بارىڭىزگە كەمشىلىكتەردى تۇزەتۋ ءۇشىن ەكى اپتا ۋاقىت بەرەمىن. جۇمىس جولعا قويىلماسا, سىزدەرگە قاتىستى تارىپتىك جاۋاپكەرشىلىك قارالاتىن بولادى», دەدى وبلىس اكىمى.
وبلىستىق دەنساۋلىق ساقتاۋ باسقارماسىنىڭ باسشىسى اسحان ءبايدۋاليەۆءتىڭ مالىمەتىنشە, كوروناۆيرۋس ينفەكتسياسىنا قارسى ۆاكتسينالاۋدىڭ كۇندەلىكتى جوسپارىنا وزگەرىس ەنگىزىلءىپ, كۇن سايىن ۆاكتسينا الاتىندار سانى 1050-دەن 3500-گە دەيىن ارتپاق.
«وڭىرگە I كومپونەنت ءۇشىن 170 295 دوزا, II كومپونەنتكە ارنالعان 138 695 دوزا ۆاكتسينا جەتكىزىلدى. سوڭعى 10 كۇندە ۆاكتسينا العان ادامداردىڭ سانى 13,1%-عا ارتىپ وتىر. ۆاكتسينالاۋعا جاتاتىن كونتينگەنتتەر اراسىندا ەڭ جوعارى كورسەتكىش قۇقىق قورعاۋ ورگاندارىنا (170%), ال, ەڭ تومەنگى كورسەتكىش ستۋدەنتتەر (38,3%) اراسىندا بايقالىپ وتىر», دەيءدى اسحان بايدۋاليەۆ.
ونىڭ پىكىرىنشە, ينفەكتسيالىق ستاتسيونارلاردىڭ جانساقتاۋ بولىمىندە جاتقان ناۋقاستارعا قاتىستى تالداۋ جۇرگىزىلگەن. قازىر ستاتسيونارلاردا كوروناۆيرۋس ينفەكتسياسىن جۇقتىرعان 1 676 ناۋقاس ەمدەلىپ جاتىر. ال, جانساقتاۋ بولىمىندە 95 ناۋقاس وقشاۋلانعان. جاعدايى اۋىر ناۋقاستاردىڭ بىردە-ءبىرى ۆاكتسينا الماعان.
«جىلىوي اۋدانىندا تۇرعىنداردىڭ 13,7 ۆاكتسينا سالدىرعان. ال, ماقاتتا – 22,5, يساتايدا – 28,7, قىزىلقوعا اۋدانى تۇرعىندارىنىڭ 28,1 پايىزى ۆاكتسينا ەكتىرگەن», دەيدى اسحان بايدۋاليەۆ.
وسىعان بايلانىستى وبلىس اكىمى ماحامبەت دوسمۇحامبەتوۆ جىلىوي جانە ماقات اۋدانىنىڭ اكىمدەرىنە جۇمىستى ءتيىستى دەڭگەيدە ورىنداماعانى ءۇشىن سالاعا جەتەكشىلىك ەتەتىن ورىنباسارلارىنا قاتىستى تارتىپتىك شارا قولدانۋدى تاپسىردى.
ء«ار ەكى كۇن سايىن اتىراۋ قالاسى مەن اۋداندار, سالالىق ۇيىمدار, كاسىپورىندار جانە باسقا دا مەكەمەلەر ۆاكتسينالاۋ تۋرالى بايانداۋى قاجەت. ۆاكتسينامەن قامتۋدىڭ تاۋلىكتىك كورسەتكىشءىن جاقسارتۋ ءۇشىن ناقتى شارالار قابىلداۋ, اۋداندارداعى ۆاكتسينالاۋ قارقىنىن جوعارىلاتۋ ءۇشىن ادىستەمەلىك كومەك كورسەتۋ كەرەك. رەسپۋبليكالىق ۆاكتسينا جۇرگىزۋ جونىندەگى اقپاراتتىق-ءتۇسىندىرۋ ناۋقانىن ىسكە اسىرۋعا ارنالعان جول كارتاسىن وبلىستىق دەڭگەيدە جاساقتاپ, 2 كۇن ءىشىندە بەكىتكەن ءجون», دەدى ماحامبەت دوسمۇحامبەتوۆ.
