ء«سىزدىڭ كومەگىڭىزدى تالاپ ەتەتىن بىرقاتار شەشىلمەگەن ماسەلە بار. بىرىنشىدەن, جوبانىڭ ادال قاتىسۋشىلارىن ىنتالاندىرۋ ماقساتىندا, ولارعا دەمالىس كۇندەرى جۇمىس ىستەۋگە رۇقسات بەرۋلەرىڭىزدى سۇرايمىز. جاڭا باستاعاندارعا سەنبى كۇنى ساعات 22.00-گە دەيىن, ال Ashyq جوباسىنىڭ «كوشباسشىلارىنا» ساعات 00.00-گە دەيىن «قوڭىر-قىزىل» ايماقتا جۇمىس ىستەۋگە رۇقسات بەرۋدى ۇسىنامىز.
ەكىنشىدەن, 10 تامىزدان باستاپ قىزمەتكەرلەردى ءبىرىنشى كومپونەنتپەن ۆاكتسينالاۋ مىندەتتەلەدى. بۇل رەتتە مونيتورينگتىك توپتاردىڭ سوڭعى ءۇش اي ىشىندە اۋىرىپ, جازىلعان ادامدارعا جانە تەكسەرۋدىڭ ناقتى الگوريتمى بەكىتىلمەگەن مەديتسينالىق جەتەگى بار ادامداردى قالاي تەكسەرەتىنى بەلگىسىز», دەدى ابىلشايىقوۆ ۇكىمەت وتىرىسىندا.
وڭىرلەردەگى سايكەسسىزدىكتەر مەن اۋىتقۋلارعا بايلانىستى, كاسىپكەرلەر پالاتاسى Ashyq جوباسى بويىنشا باس مەملەكەتتىك سانيتاريا دارىگەردىڭ بىرىڭعاي قاۋلىسىن بەلگىلەۋدى ۇسىندى.
«بۇعان دەيىن بۇل ۇسىنىستى باس مەملەكەتتىك سانيتاريا دارىگەر قاراستىرعان, بىراق ەرەكشەلىك - «قىزىل». وسى تالاپتى «قىزىل» ايماقتارعا تاراتۋدى سۇرايمىز», دەدى ناريمان ابىلشايىقوۆ.
