مەديتسينا • 11 تامىز، 2021

پاتسيەنت مەكتەبى نەمەسە كۇن سايىن جارتى ساعات «اعاش ارالاۋ»

35 رەت كورسەتىلدى

وسىدان 200 جىلداي بۇرىن اعىلشىن دارىگەرى ۋيليام گەبەردەن ناۋقاستاردى وڭالتۋ ءۇشىن جارتى جىل بويى كۇن سايىن كەمىندە 30 مينۋت اعاش كەسۋدى ۇسىنىپ، كەۋدەسىندە اۋىرۋ سەزىمى بار ناۋقاستىڭ جاعدايىنىڭ جاقسارعانىن باقىلاعان ەكەن. راسىندا، كۇنىنە جاسالعان تەك جارتى ساعاتتىق شيراق دەنە قوزعالىسى ينفاركت قاۋپىن، II ءتيپتى ديابەتتى، گيپەرتونيانى ازايتۋعا، دەنە سالماعىن، ۇيقىنى قالىپقا كەلتىرۋگە، ەمدەلۋگە جاتقىزعان كەزدە وڭالتۋ مەن ساۋىعۋ مەرزىمىن قىسقارتۋعا مۇمكىندىك بەرەدى.

ايتپاعىمىز، قازىرگى كۇنى ال­ما­­تى­داعى كارديولوگيا جانە ىشكى اۋرۋلار عىلىمي-زەرتتەۋ ينستي­تۋ­تىنىڭ كارديولوگيا جانە وڭال­تۋ بو­لىم­شە­سىن­دە قالا جانە وڭىر­لەر­دەن كەلگەن تۇرعىندارعا مامان­دان­دى­رىلعان كار­ديولوگيالىق جانە تەراپەۆتىك مە­دي­تسينالىق كومەك كورسەتىلەدى. ما­مان­دار مەديتسينالىق وڭالتۋ مۇم­كىن­دىگىنشە ەرتە باستالۋى ءتيىس ەكەنىن ايتۋدان تانبايدى. وڭالتۋ ءىس-شارالارى ستاتسيونارلىق كەزەڭ اياقتالعاننان كەيىن تولىق كولەمدە ىسكە اسىرىلۋى كەرەك.

اتالعان ينستيتۋتتىڭ باسقارما تو­راعاسى، مەديتسينا عىلى­مى­نىڭ دوكتورى، پروفەسسور روزا قۋانىشبە­كو­ۆانىڭ ايتۋىنشا، قازاقستاننىڭ بار­لىق وبلىسىنىڭ تۇرعىندارى وسى بولىمشەدە وڭالتۋ كومەگىن الادى. بۇلار – نۇر-سۇلتان، الماتى قالا­لارىنان، الماتى، اقتوبە، اتى­راۋ، باتىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ مەن تۇركىستان وبلىستارىنان كەلەتىن پاتسيەنتتەر.

كلينيكا باسشىسى ايتىپ وتكەندەي، جۇرگىزىلەتىن كارديولوگيالىق وڭالتۋ اۋىر كارديولوگيالىق كەسەلدەرگە شال­­دىققان، وتادان تۇرعان پاتسيەنتتەر­گە كومەك كورسەتۋگە باعىتتالعان ءىس-شا­را­لار كەشەنىن قۇرايدى. كار­ديو­لوگيالىق وڭالتۋعا ەمدىك دەنە شى­نىق­تىرۋ، مولشەرلەنگەن جاياۋ ءجۇرىس، ۆەلوترەناجەردا جاتتىعۋ، تە­مەكى شەگۋدەن باس تارتۋ، ليپيدتەردىڭ سالماعى مەن دەڭ­گەيىن قالپىنا كەلتىرۋ، سونداي-اق كار­ديوۆاسكۋليارلىق پاتو­لو­گيانىڭ قاۋىپ فاكتورلارىن ازايتۋعا مۇمكىندىك بە­رە­تىن پسيحولوگيالىق قولداۋ كىرەدى.

«كارديولوگيالىق وڭالتۋدا دەن­ساۋ­لىقتى ساقتاۋ، قالپىنا كەلتىرۋ، دەنە قيمىلىنىڭ بەلسەندىلىگى، ەڭبەككە جارامدىلىق، الەۋمەتتىك جانە فيزي­كا­لىق بەلسەندىلىگىنىڭ كەڭەيۋىن ەسكە­رە وتىرىپ، جۇرەك-قانتامىر پاتو­لو­گياسىنىڭ اسقىنۋى مەن ءور­شۋىنىڭ الدىن الۋعا ارنالعان ءدارى-دار­مەكتىك تەراپيانى وڭتايلاندىرۋ، اۋرۋ­دىڭ سالدارىن جويۋ ءۇشىن ناۋ­قاستىڭ پسي­حو­لوگيالىق جاعدايىن رەت­تەۋ سە­كىلدى اس­پەكتىلەر اسا ما­ڭىزدى»، دەيدى روزا توحتانالىقىزى.

كار­ديولوگيالىق وڭالتۋداعى ما­ڭىزدى فاكتور – ينستيتۋتتا قۇ­رىلعان پاتسيەنت مەكتەبىنە پاتسيەنتتىڭ قا­تى­سۋى. دەنساۋلىق مەكتەپتەرىندە تەك قانا ءبىلىم المايدى، سونىمەن قاتار ادام ومىرىنە قاۋىپتى اۋرۋلاردىڭ دامۋىنا اسەر ەتەتىن قاۋىپ فاكتورلا­رى­نان ارىلۋ ادىستەرىن وقىتادى. پا­تسيەنت­تەردە ەمدەۋ، تۇرمىستا جانە جۇ­مىستا دۇرىس مىنەز-ق ۇلىق كور­سەتۋ ماسەلەلەرىنە وڭ كوزقاراس قا­لىپ­تا­سا­دى.

دەنساۋلىقتى، جۇمىسقا قابى­لەت­تى­لىك­تى جاقسارتۋ، اۋرۋدىڭ اسقىنۋىنىڭ الدىن الۋ، پاتسيەنتتەردى قوعامنىڭ قالىپتى ءومىر ءسۇرۋ جاعدايىنا بىرىك­تى­رۋ بويىنشا جۇمىستار ءوزىنىڭ اسەرىن بەرەدى.

 

الماتى

 

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار