ساياسات • 11 تامىز، 2021

شەشىمىن كۇتكەن ماسەلەلەر بار

99 رەت كورسەتىلدى

سەنات دەپۋتاتى اقىلبەك كۇرىشباەۆ اقمولا وبلىسى شورتاندى اۋدانىندا ورنالاسقان ا.ي.باراەۆ اتىنداعى استىق شارۋاشىلىعىنىڭ عىلىمي-وندىرىستىك ورتالىعىنا باردى. سەناتور ورتالىقتىڭ جۇمىسىنداعى وڭ وزگەرىستەردى ەرەكشە اتاپ ءوتىپ، ەلىمىزدە اگروونەركاسىپتىك كەشەندى دامىتۋ ءۇشىن عىلىم مەن ءوندىرىستى ينتەگراتسيالاۋدىڭ ماڭىزى زور ەكەنىنە نازار اۋداردى.

«بۇل – الەمنىڭ جەتەكشى ۋني­ۆەر­سيتەتتەرىندە قولدانىلا­تىن «زەرتحانا-اۋديتوريا-ءوندى­رىس» ۇشەۋىن بىرىڭعاي جۇيە­گە ين­تە­گراتسيالاۋ ارقىلى عى­لىم­دى دامىتۋدىڭ جانە كادر دايار­لاۋدىڭ زاماناۋي مودە­لى. وسىنداي سينەرگيانىڭ ارقا­سىندا ستۋدەنتتەر زامانعا ساي ءبىلىم الادى. ال عىلىم تالانتتى جاس كادرلارمەن تۇراقتى تۇردە قامتاماسىز ەتىلىپ وتىرادى»، دەدى ا.كۇرىشباەۆ.

سونىمەن قاتار دەپۋتات وت­كەن جىلدىڭ اياعىندا سەنات­تىڭ اگرارلىق ماسەلەلەر، تا­بي­عات­تى پايدالانۋ جانە اۋىل­دىق اۋماق­تاردى دامىتۋ كوميتەتى شور­تاندىدا عىلىمي قالا­شىق­تىڭ الەۋمەتتىك دامۋىن جاق­سارتۋعا قاتىستى كوشپەلى وتىرىس وتكىزگەنىن اتاپ ءوتتى. اقىلبەك كۇرىشباەۆ سول كەزدە كوتەرىلگەن ماسەلەلەردىڭ ءبىر بولىگى بۇگىندە وڭ شەشىمىن تاپقانىن دا جەت­كىزدى. اتاپ ايتقاندا، اۋىلدا جول­دار كۇردەلى جوندەۋدەن وتكى­زىلدى. عىلىمي قالاشىقتا جارىق­تاندىرۋ جۇرگىزىلدى جانە اۋدان اكى­مىنىڭ ايتۋىنشا، جاقىن ارادا اۋىز سۋمەن جابدىقتاۋ جۇ­يەسى جاق­سار­تىلادى. ال 2 جىل­دان كەيىن اۋىل تولىعىمەن گاز­داندىرىلادى.

سەنات دەپۋتاتى اوك سالاسىن ءارى قاراي وركەندەتۋ ءۇشىن وسى باعىتتاعى كوشباسشى ەل­دەر­دىڭ جەتەكشى عالىم-شا­رۋا­لارىنىڭ قاتىسۋىمەن زاماناۋي زەرتتەۋ ورتالىعىن قۇرۋ قا­جەت­تىگىن ءسوز ەتتى. ونىڭ قۇرا­مىنا مولەكۋليارلىق بيولوگيا ادىستەرىن پايدالانا وتىرىپ، اۋىل شارۋاشىلىعى داقىل­دارىنىڭ جاڭا سورتتارى مەن بۋداندارىن جاساۋ جو­نىندەگى زەرتحانالار، بيوتەحنولوگيالار نەگىزىندە جانۋارلاردىڭ گەنە­تي­كالىق قاسيەتتەرىن جاق­سار­تۋ جونىندەگى قويما، اگرو­تەح­نولوگيالار جونىندەگى قا­زىر­گى زامانعى زەرتتەۋ بازاسى، اۋىل شارۋاشىلىعى ونىم­­دەرىن قايتا وڭدەۋ جانە ساقتاۋ جونىندەگى زەرتحانالار جانە باسقالار ەنگىزىلۋى كەرەك. وندا جەتەكشى شەتەلدىك جا­نە وتان­دىق عالىمدار جۇمىس ىس­تەۋ­گە ءتيىس. جاس عىلىمي كادرلار مەن ستۋ­دەنتتەردىڭ تۇراقتى تۇردە تا­جىريبەدەن ءوتىپ تۇرۋىنا دا جاع­داي جاسالۋ قاجەت. وسى­لاي­شا، ورتالىق وڭىرلىك اگرار­لىق عزي مەن تاجىريبەلىك شارۋاشى­لىقتاردىڭ جۇمىسىن جەتىلدىرە تۇسۋگە مۇمكىندىك الادى.

ال سەناتور ساۋلە ايتپاەۆا اقمولا وبلىسىنا ساپارى بارى­سىندا حالىقتى سۋمەن قامتا­ماسىز ەتۋ، مەملەكەتتىك قىزمەت كورسەتۋدىڭ ساپاسى، سانيتارلىق-ەپيدەميالىق جاعداي، ۆاكتسيناتسيا بويىنشا جۇرگىزىلىپ جات­قان جۇمىستار، دارىگەر ماماندارمەن جانە پەداگوگتەرمەن قامتا­ماسىز ەتۋ جانە ت. ب. ماسەلەلەردى تالقىلادى.

جەرگىلىكتى تۇرعىندار كوتەر­گەن ماسەلەلەردىڭ ىشىندە مەم­لەكەتتىك ينتەرنەت-پورتالدار­دىڭ جۇمىسىنا قاتىستى بولدى. اۋىل تۇرعىندارىنىڭ ايتۋىنشا، كەيبىر اۋىلداردا ينتەرنەتكە قول جەتكىزۋ قيىن بولىپ وتىر. سەناتور جاڭا وقۋ جىلى باستالاردىڭ الدىندا جانە جوسپارلانعان حالىق ساناعىن وتكىزۋ قارساڭىندا وتكىر ماسە­لەلەردى بارىنشا جەدەل شەشۋ ماڭىزدى ەكەنىن اتاپ ءوتتى. س.ايت­پاەۆا قازىرگى ماسەلەلەردىڭ ءبىر بولىگىنە وڭالتۋ جۇمىستارى جۇرگىزىلىپ جاتقانىن، بىراق ءوزىنىڭ دەپۋتاتتىق قىزمەتى بارىسىندا ولاردى تۇپكىلىكتى شەشۋدى كوتەرەتىنىن اتاپ ءوتتى.

سەناتور وبلىستىق پروكۋراتۋرا مەن ادىلەت دەپارتامەنتىنىڭ باسشىلىعىمەن كەزدەسۋدە قۇقىق قورعاۋ، پروكۋراتۋرا جانە سوت ورگاندارى اراسىنداعى وكىلەت­تىكتەردىڭ اراجىگى مەن جاۋاپ­­كەر­شىلىك ايماقتارىن اجىرا­تۋ جانە قىلمىستىق پروتسەس­تىڭ ءۇش بۋىندى ۇلگىسىن ەنگىزۋ نا­تي­جەلەرىن تالقىلادى. س.ايت­پاەۆا سونىمەن قاتار وبلىس ورتالىعىنداعى كوشەلەردى جەدەل باقىلاۋ جانە قۇقىقتىق ءتارتىپتى قورعايتىن پوليتسيانىڭ كەشەندى كۇشتەرىنىڭ جاساقتارىن باسقارۋ نەگىزگى مىندەتى سانالاتىن جەدەل باسقارۋ ورتالىعىنىڭ جۇمىسىمەن دە تانىستى.

سەناتور، سونداي-اق جاقسى اۋدانىن­دا «نۇرلى جەر» باعدار­لاما­سى اياسىندا سالىنىپ جات­قان 18 پاتەرلى تۇرعىن ءۇي قۇرىلى­سى­نىڭ بارىسىن كوردى جانە دارى­گەر­­لەرگە ارنالىپ 2020 جىلى سالىن­عان 8 پاتەرلى تۇرعىن ۇيدە بولدى.

 

دايىنداعان

جولدىباي بازار،

«Egemen Qazaqstan»

 

سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار