اۋدان اكىمى جەرگىلىكتى اتقارۋشى ورگاندارمەن اۋدان تۇرعىندارىن ساپالى ينتەرنەتپەن قامتاماسىز ەتۋ بويىنشا ۇلكەن جۇمىس جۇرگىزىلىپ جاتقانىن اتاپ ءوتتى.
«NLS Kazakhstan كومپانياسىمەن بىرلەسىپ شاعىن اۋدان تۇرعىندارىن جوعارى جىلدامدىقتى ينتەرنەتكە قوسۋ جۇرگىزىلۋدە. قازىردىڭ وزىندە 176 ابونەنت قوسىلدى, كەزەكتە 36 ابونەنت تۇر», دەپ حابارلادى اۋدان اكىمى.
2021 جىلدىڭ سوڭىنا دەيىن ينتەرنەت-پروۆايدەر شاعىن اۋداندا جوعارى جىلدامدىقتى ينتەرنەت وتكىزۋدى جوسپارلاپ وتىر. قازىرگى ۋاقىتتا وپتيكالىق ماگيسترالداردى سالۋ باعىتتارى پىسىقتالۋدا.
«قازاقتەلەكوم» اق كومپانياسى قىركۇيەك ايىندا قايرات شاعىن اۋدانىندا ينتەرنەت وتكىزۋدى جوسپارلاپ وتىر. بۇل اۋدان كوكتاۋ, تاراز, اقجامال, ارقار, جاياۋ مۇسا, سۇلۋشاش, قورىمدىك, 11, 12, 13, 14, 15, 16, 17 كوشەلەرىن قامتيدى.
قايرات شاعىن اۋدانىنداعى 1200 ءۇيدىڭ 300-گە جۋىعى «قازاقتەلەكوم» ينتەرنەتىنە, سونداي-اق NLS Kazakhstan جەلىلەرىنە 15-تەن استام ابونەنت قوسىلدى.
