شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جانەركە قاناپيانوۆا وسىدان ەكى كۇن بۇرىن جوعالىپ كەتكەن.
ۇيدەن دۇكەنگە شىعىپ كەتكەن ءجاسوسپىرىم سول كۇيى قايتىپ ورالمادى.
«8 تامىزدا پوليتسياعا قوڭىراۋ شالعان ايەل ادام 14 جاستاعى قىزىنىڭ ءىز-ءتۇسسىز جوعالعاندىعىن حابارلادى. ءال-فارابي داڭعىلى 26/1 مەكەنجايىنان سىرتقا شىعىپ كەتكەن ءجاسوسپىرىمنىڭ قايدا ەكەندىگى ءالى كۇنگە دەيىن بەلگىسىز. قازىرگى ۋاقىتتا پوليتسيا قىزمەتكەرلەرى جەدەل-ىزدەستىرۋ شارالارىن جۇرگىزىپ جاتىر», دەپ حابارلادى ۆەدومستۆو وكىلدەرى.
جانەركەنىڭ ۇستىندە اق جەيدە, قارا شالبار جانە قىزىل كروسسوۆكا بولعان. ونى كورگەن نەمەسە قايدا ەكەندىگى جايلى قانداي دا ءبىر مالىمەتى بار ازاماتتار 8(777)169-64-66 نومىرىنە نەمەسە «102» جەدەل ارناسىنا قوڭىراۋ شالۋلارىنا بولادى.
