«شىعىس قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى دەنە شىنىقتىرۋ جانە سپورت كوميتەتى دەپارتامەنتىنىڭ ەكس-باسشىسى قوماقتى پارا العانى ءۇشىن ايىپتادى (قىلمىستىق كودەكستىڭ 366-بابى, 2-بولىگى), دەنە شىنىقتىرۋ جانە سپورت كوميتەتى باسشىسىنىڭ بۇرىنعى ورىنباسارى قىزمەت بابىن اسىرا پايدالانعانى ءۇشىن (قك 361-بابىنىڭ 4-بولىگى, 3-تارماعى), جشس-ءنىڭ بۇرىنعى باسشىسى الاياقتىق ءۇشىن (قك 190-باپ, 4 -بولىگى, 2-تارماعى) سوتتالدى», دەپ حابارلادى ۆەدومستۆونىڭ ءباسپاسوز قىزمەتى.
كوميتەت توراعاسىنىڭ بۇرىنعى ورىنباسارى مەن جشس-ءنىڭ ەكس-باسشىسى الدىن الا كەلىسىم بويىنشا ريددەردەگى 300 ورىنعا ارنالعان رەسپۋبليكالىق مامانداندىرىلعان مەكتەپ-ينتەرنات-كوللەدجى وقۋ عيماراتىنىڭ قۇرىلىسىنا بولىنگەن جالپى سوماسى 354 112 947 تەڭگەنى قۇرايتىن بيۋدجەت قاراجاتىن ورىندالعان جۇمىستاردىڭ اكتىلەرىنە قول قويۋ ارقىلى ۇرلادى.
سونىمەن قاتار, كوميتەت دەپارتامەنتىنىڭ ەكس-باسشىسى 2018 جىلدىڭ مامىر ايىنان جەلتوقسان ايىنا دەيىنگى كەزەڭدە جشس-ءنىڭ بۇرىنعى باسشىسىنان 35 013 881 تەڭگە سوماسىندا پارا الدى جانە 13 000 000 تەڭگەنى قۇرايتىن باسقا باسقا م ۇلىكتى (اۆتوكولىكتى) الدى دەپ ايىپتالدى.
سونداي-اق, جشس-ءنىڭ ەكس-باسشىسى 2018 جىلدىڭ تامىزىنان 2019 جىلدىڭ ساۋىرىنە دەيىنگى ارالىقتا الداۋ مەن قيانات جاساۋ ارقىلى وبەكتىلەر قۇرىلىسىنا بولىنگەن 172 323 635 تەڭگە سوماسىنداعى بيۋدجەت قاراجاتىن ۇرلادى. ول قاراجات اياگوز ەت كومبيناتى ايماعىنداعى, قوپا اۋىلىنداعى, اي اۋىلىنداعى سۋ قابىلدايتىن قۇرىلىستار مەن سۋمەن جابدىقتاۋ جەلىلەرىن سالۋعا ارنالعان.
«سوت كوميتەتتىڭ ەكس-باسشىسىن - 5 جىلعا, دەنە شىنىقتىرۋ جانە سپورت كوميتەتى توراعاسىنىڭ ەكس-ورىنباسارىن - 3 جىلعا, جشس باسشىسى 7 جىلعا باس بوستاندىعىنان ايىردى», دەپ حابارلادى دەپارتامەنتتەن.
سوتتالعاندار ءومىر بويىنا مەملەكەتتىك قىزمەتتە قىزمەت ەتۋ قۇقىعىنان ايىرىلادى.
ۇكىم زاڭدى كۇشىنە ەنگەن جوق.
