نەگىزگى سەبەپ - ەلدى مەكەندەرگە گاز تارتۋ كولەمىنىڭ ۇلعايۋى. ناتيجەسىندە كومىردى تۇتىنۋ 4,8 ملن تونناعا دەيىن تومەندەيدى. بۇل رەتتە وتكەن قىستىڭ كورسەتكىشى - 7,2 ملن توننا ەكەنىن ايتا كەتكەن ءجون.
الدىن الا مالىمەت بويىنشا, بيىلعى ءبىرىنشى جارتىجىلدىقتا كوممۋنالدىق-تۇرمىستىق قاجەتتىلىكتەرگە جانە تۇرعىندارعا 3,4 ملن توننا كومىر تيەلدى. ەنەرگيا ءوندىرۋشى كاسىپورىندارعا 31,3 ملن توننا, ونەركاسىپتىك كاسىپورىنداردىڭ قاجەتتىلىكتەرىنە 2,9 ملن توننا جونەلتىلدى. 14,5 ملن توننا كومىر ەكسپورتتالدى.
شقو, سقو جانە الماتى قالاسىن قوسپاعاندا, بارلىق ءوڭىر 2021-2022 جىلعى جىلۋ بەرۋ كەزەڭىنە قاجەتتى كومىر كولەمىن راستاپ, جاڭا ماۋسىمعا دايىندىقتى باستاپ كەتتى. كومىر ساتىپ الۋعا تەندەر جاريالانىپ, وڭىرلىك وپەراتورلار انىقتالدى.
قر يدم-دە وبلىستاردىڭ, نۇر-سۇلتان, الماتى جانە شىمكەنت قالاسى اكىمدىكتەرىمەن كەڭەيتىلگەن كەڭەس ءوتتى. وندا وڭىرلىك بيلىككە حالىققا كومىر باعاسى مەن ماركالارىن, ساتىلاتىن جەرى مەن ولاردا كومىردىڭ بار-جوعىن ءتۇسىندىرىپ, ءتيىستى اقپارات بەرىپ وتىرۋ ءۇشىن ارنايى «جەدەل جەلى» قۇرۋ, كومىردى جەتكىزۋ مەن ونىڭ ساپاسىنا قاتىستى تۇراقتى مونيتورينگ جۇرگىزۋ ۇسىنىلدى. ال كومىر باعاسىنىڭ زاڭسىز ءوسۋى جاعدايىندا مونوپولياعا قارسى ۆەدومستۆونىڭ اۋماقتىق بولىمشەلەرىن بەلسەندى تۇردە تارتۋ قاجەت.
ساراپشىلاردىڭ باعالاۋىنشا, ماركاسىنا بايلانىستى كومىر باعاسى 9,9%- دان 24%-عا دەيىن ءوسۋى ىقتيمال.
وتاندىق كومىر ءوندىرۋشى كومپانيالار 2021 جىلعى قاڭتار-شىلدە ايلارىندا بارلىعى 59,7 ملن.توننا كومىر ءوندىردى. كومىردى نەگىزىنەن ءتورت كومىر ءوندىرۋشى كومپانيا جەتكىزەدى. ولاردىڭ نارىقتىق ۇلەسى جەتكىزۋدىڭ جالپى كولەمىنىڭ 89%-نا تەڭ. اتاپ ايتقاندا, «شۇباركول كومىر» اق ۇلەسى 28%, «قاراجىرا» اق ۇلەسى 25%, «مايكۋبەن-ۆەست» جشس ۇلەسى 25%, «بوگاتىر كومىر» جشس ۇلەسى 11%.
