ادەبيەت • 10 تامىز، 2021

اقىندى ەسكە الدى

198 رەت كورسەتىلدى

نۇر-سۇلتان قالاسى اكىمدىگىنە قاراستى ورتالىقتاندىرىلعان كىتاپحانالار جۇيەسىنىڭ ۇيىمداستىرۋىمەن ەلورداداعى قالامگەرلەر اللەياسىندا «ولەڭىم، سەن امان بول بۇل دۇنيەدە...» اتتى ومىردەن ەرتە وزعان تالانتتى اقىن مارفۋعا بەكتە­مىروۆانى ەسكە الۋ كەشى ءوتتى.

ايتۋلى اقىن تابيعاتى كور­كەم كوكشەتاۋدا ومىرگە كەلىپ، جاسىنان پوەزياعا عا­شىق بولىپ، ولەڭ ولكەسىنە ەرتە قادام باستى. الدىمەن اۋداندىق، كەيىن وبلىستىق، رەس­پۋبليكالىق گازەتتەردە ناز­دى ناقىشتارعا تولى جىرلارى جاريالانىپ، وقىرماندارعا تانىلدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن اياق­تاپ، مەرزىمدى باسىلىمداردا قىزمەت اتقاردى.

مارفۋعا بەكتەمىروۆا شى­­­­عار­ماشىلىعىنىڭ ەڭ ءبىر جار­قىراعان شاعى ەلىمىز تا­ۋەلسىزدىك العاننان كەيىن بولسا كەرەك. ەل ەركىندىگى مەن وي ەركىندىگى اقىنعا قانات ءبىتى­رىپ، ءونىمدى ەڭبەك ەتتى. «جا­نا­­رى ءجاۋدىر دۇنيە»، «اي­دىنىم مەنىڭ»، «عاشىق جۇ­رەك»، «ەڭ­لىكگۇل»، «مەنىڭ اتلان­تيدام»، «اققۋىم مەنىڭ، قاي­دا­سىڭ؟» دەگەن جىر جيناقتارى جارىق كوردى. بۇل كىتاپتارعا سىنشىلار قاۋىمى دا زەر سالىپ، پاراساتتى پىكىرلەرىن ايتتى. اۋزى دۋالى اعالالارى دا اقىن­عا جىلى سوزدەرىن ايامادى. ما­سەلەن، اقسەلەۋ سەيدىمبەك ونى «شى­نايى سەزىمنىڭ اقىنى» دەسە، قويشىعارا سالعارا ۇلى «زەر­­دەلى، ويلى اقىن» دەپ با­عالادى. ايتپاقشى، شايىردىڭ ورىستىڭ اتاقتى اقىنى اننا اح­­ماتوۆانىڭ ولەڭدەرىن وتە ءسات­تى تار­جىمالاعانىن ايتا كەتۋگە بولادى.

كەش بارىسىندا ءسوز ال­عان جازۋشى، مەملەكەتتىك سىي­لىقتىڭ لاۋرەاتى الىبەك اسقار: «مەن مارفۋعامەن كازگۋ-ءدىڭ جۋرناليستيكا فاكۋل­تەتىندە بىرگە وقىدىم. سول كەزدە ءبىز ونىڭ بولا­شاعىنان ۇلكەن ءۇمىت كۇتكەن ەدىك. ول ءۇمىتىمىزدى اقتاپ، ەلگە تانىمال اقىن اتاندى. تەك ءومىرى قىسقا بولدى. بۇگىن قا­لام­گەرلەر اللەياسىندا مار­فۋ­عانى ەسكە الۋ كەشىنىڭ ءوتۋى قۇپ­تارلىق» دەپ اسەرلى ەستەلىك وربىتسە، قازاق­ستان جازۋشىلار وداعى نۇر-سۇلتان قالالىق فيليالى ديرەك­تورىنىڭ ورىنبا­سارى، اقىن ولجاس قاسىم مار­فۋعا ليري­كا­سىنىڭ كور­كەمدىك دەڭگەيى تۋرا­لى ايتا كەلىپ، ونىڭ پوەزيا­داعى الار ورنى جوعا­رى دەپ باعالادى.

ال اقىننىڭ جارى، قالامگەر ەسەنگەلدى ءسۇيىنوۆ ومىردەن وت­كەن مارفۋعا بەكتەمىروۆانىڭ شىعار­ماشىلىعى قازاق ادەبيە­تىنىڭ تورىنەن ورىن الىپ، ونىڭ ەسىمىن ەستە ساقتاۋ ماقساتىندا نۇر-سۇلتان، قوستاناي، كوك­شەتاۋ قالاسىنان كوشە نەمەسە مەكتەپكە اقىننىڭ ەسىمىن بەرسە دەگەن ويىن ايتتى.

سونداي-اق كەش اياسىندا اياۋلى اقىننىڭ ولەڭدەرى وقىلىپ، ونىڭ سوزىنە جازىلعان اندەرى ورىندالدى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

اسكەريلەر شەبەرلىك سىناسادى

قازاقستان • بۇگىن، 08:10

ۇقساس جاڭالىقتار