پرەزيدەنتپەن كەزدەسۋ بارىسىندا ق.سارىباي يران تاراپىنا اوسشك-گە تۇراقتى قولداۋ ءۇشىن ريزاشىلىعىن ءبىلدىردى جانە بىرەگەي ىنتىماقتاستىق مەحانيزمىن قۇرۋ قاجەتتىگىن ايتتى. ەلشى يران پرەزيدەنتىنە قازاقستاننىڭ اوسشك-ءنى حالىقارالىق ۇيىمعا اينالدىرۋ باسىمدىعى تۋرالى اتاپ ءوتتى.
پرەزيدەنت يبراحيم رايسي يراننىڭ حالىقارالىق سەرىكتەستەرى مەن اوسشك سەكىلدى ماڭىزدى ايماقتىق فورۋمدارمەن ىنتىماقتاستىق جاساۋعا نيەتتى ەكەنىن اتاپ ءوتتى. ول ۇكىمەتارالىق ۇيىمدار حاتشىلىقتارىنىڭ, ونىڭ ىشىندە اوسشك-ءنىڭ حاتشىلىعىن دا, مۇشە مەملەكەتتەردىڭ ۇكىمەتتەرى اراسىندا ىنتىماقتاستىقتى دامىتۋداعى, ولاردىڭ ماڭىزدى شەشىمدەردى قابىلداۋ پروتسەستەرىندەگى ماڭىزدى ءرولىن اتادى. «اوسشك ءوزىنىڭ العا قويعان ماقساتتارىنا جەتۋى ءۇشىن بەلسەندى تۇردە العا ۇمتىلۋى ءتيىس جانە مۇشە مەملەكەتتەرىنىڭ ۇكىمەتتەرى اراسىندا ىنتىماقتاستىقتى كۇشەيتكەنى ءجون», دەدى يران پرەزيدەنتى. سونىمەن قاتار ول اوسشك-ءنىڭ ءرولىن ۇدايى كۇشەيتۋ مەن ۇلعايتۋ كەرەكتىگىن باسا ايتتى. يبراحيم رايسي يراننىڭ اوسشك جۇمىسىنىڭ نەگىزگى باعىتتارىنا قوسقان ۇلەسىنە نازار اۋداردى, سونىمەن بىرگە يراننىڭ فورۋم ماقساتتارىنا جەتۋ پروتسەسىنە ودان ءارى بەلسەندىلىكپەن قاتىسۋعا دايىندىعىن جانە ازيا ماسەلەلەرى جونىندەگى ىنتىماقتاستىقتى جوعارى دەڭگەيدە جەتىلدىرۋ نيەتىن ءبىلدىردى.
يران پارلامەنتىنىڭ سپيكەرى موحامماد باگەر گاليباف مىرزامەن كەزدەسۋ بارىسىندا اوسشك اتقارۋشى ديرەكتورى يراننىڭ فورۋم شەڭبەرىندە جانە ودان تىس اۋقىمدا ايماقتىق قاۋىپسىزدىكتى قامتاماسىز ەتۋدەگى ماڭىزدى ءرولىن ەرەكشە اتاپ ءوتتى. ق.سارىباي يراننىڭ جاڭا ۇكىمەتىمەن قارىم-قاتىناس جاساۋعا دايىندىعىن جەتكىزدى. اتقارۋشى ديرەكتور بەيبىتشىلىك پەن قاۋىپسىزدىكتى بىرجاقتى رەتپەن قامتاماسىز ەتۋ مۇمكىن ەمەستىگى تۋرالى, سونىمەن بىرگە اوسشك سۇحبات جۇرگىزۋ مەن ءوزارا ارەكەتتەستىك ءۇشىن قولايلى الاڭ ەكەنىنە نازار اۋداردى. ەلشى ق.سارىباي كوپجاقتى قاتىناستاردىڭ ماڭىزدى ءرولى مەن ءار مۇشە مەملەكەتتىڭ ورتاق ىسكە ەرەكشە اتسالىسىپ وتىرعانىن اتاپ ءوتتى. ناتيجەسىندە, وسىنىڭ ءبارى ازيا ەلدەرىنىڭ وركەندەۋىنە اكەلىپ, ءوزارا ءتيىمدى ىنتىماقتاستىق پەن ءوزىنىڭ بولاشاعى تۋرالى دەربەس تۇردە شەشىم قابىلداۋعا قولايلى جاعدايدى تۋدىرادى.
يران پارلامەنتىنىڭ سپيكەرى بەيبىتشىلىك پەن قاۋىپسىزدىكتى قامتاماسىز ەتۋ بارلىق مەملەكەتتەردىڭ باسىمدىعى ەكەنىن جەتكىزدى جانە دە بۇگىنگى تاڭدا ازيا بۇكىلالەمدىك بەيبىتشىلىك پەن قاۋىپسىزدىك باعىتىندا قادامدار جاساپ وتىرعان باستى قوزعاۋشى كۇشتەردىڭ ءبىرى سانالاتىنىن اتادى. ول اوسشك-ءنىڭ بەيبىتشىلىك پەن قاۋىپسىزدىكتى قامتاماسىز ەتۋ جولىندا وڭ ناتيجەلەرگە قول جەتكىزەتىنىنە سەنىم ءبىلدىردى.
تەگەرانعا ءىس-ساپارى بارىسىندا ق.سارىباي ەكونوميكالىق ىنتىماقتاستىق ۇيىمىنىڭ (ەىۇ) باس حاتشىسى حادي سۋلەيمانپۋر مىرزامەن كەزدەستى جانە ول ءوز سەرىكتەسىمەن اوسشك مەن ەىۇ اراسىندا ءوزارا ارەكەتتەستىك پەن الەۋەتتى ءتيىمدى ىنتىماقتاستىقتىڭ باعىتتارى جونىندە جەمىستى ءارى مازمۇندى پىكىر الماستى.
ەلشى ق.سارىباي ەىۇ باس حاتشىسىن اوسشك-ءنىڭ قازىرگى جۇمىسى تۋرالى حاباردار ەتتى, سونىڭ ىشىندە, قازاقستاننىڭ اوسشك-گە توراعالىعىنىڭ فورۋمدى تولىمدى ۇيىمعا اينالدىرۋ جانە اوسشك پروتسەسىنىڭ, حاتشىلىعىنىڭ ينستيتۋتتىق ءارى ورنىقتى دامۋىن كۇشەيتۋ جونىندەگى باسىمدىعى تۋرالى اتاپ ءوتتى. اوسشك اتقارۋشى ديرەكتورى اوسشك مەن ەىۇ اراسىندا الەۋەتتى ءوزارا ارەكەتتەستىكتى دامىتۋ جونىندە ءتيىمدى شەشىمدەر مەن ناقتى سالالارعا نازار اۋداردى. بۇل سالالارعا ازياداعى اوسشك مەن ەىۇ مۇددەلەرىنىڭ ۇقساستىعى مەن گەوگرافيالىق ورنالاسۋىن, اوسشك-گە مۇشە مەملەكەتتەردىڭ كوپتىگىن, جان-جاقتى كۇن ءتارتىبىن, سونىمەن بىرگە ەىۇ-نىڭ ەكونوميكالىق تۇرعىدان وراسان مول تاجىريبەسىن ەسكەرە وتىرىپ, ءوزارا ىقپالداستىقتى كۇشەيتۋ ماسەلەلەرى كىرەدى. مىسال رەتىندە, ق.سارىباي ۇقساس مانداتتارى بار اوسشك مەن ەىۇ-نىڭ ارنايى مەكەمەلەرىنىڭ ارەكەتتەرىن بىرىكتىرە وتىرىپ, ەكى ۇيىمنىڭ فورۋمدارىنا نەمەسە باسقا دا ءىس-شارالارىنا قاتىسۋ سياقتى ءتيىمدى ءوزارا ارەكەتتەستىكتىڭ مۇمكىندىكتەرىن اتاپ ءوتتى.
ەىۇ باس حاتشىسى ەىۇ مەن اوسشك ماقساتتارى ءبىر-بىرىنە ۇقساس كەلەتىنىن جانە ورتاق ماقساتتارعا جەتۋ ءۇشىن قولايلى تاسىلدەردى قولدانا وتىرىپ, ءوزارا ءتيىمدى ىنتىماقتاستىقتى دامىتۋدىڭ وراسان زور مۇمكىندىكتەرىن ءسوز ەتتى. حادي سۋلەيمانپۋر ايماقتىڭ وركەندەۋى مەن ازيا ەلدەرىنىڭ ەكونوميكالىق جاعدايىن جاقسارتۋ ماقساتىنا جەتۋدىڭ ماڭىزدىلىعىن ەرەكشە اتاپ ءوتتى, سونىڭ ىشىندە, ايماقتىق ۇيىمداردىڭ ارەكەتتەرىن جاھاندىق اۋقىمدا بىرىكتىرىپ, قارجى جۇمسالىمى مەن ينۆەستيتسيالارعا جول اشۋ كەرەك ەكەنىنە نازار اۋداردى. ەىۇ باس حاتشىسى ەىۇ مەن اوسشك ەكىجاقتى كەلىسىم نەگىزىندە ىنتىماقتاستىقتى كۇشەيتە الادى جانە ءوزارا ءتيىمدى قادامدار جاساي الادى دەگەن پىكىرىن ءبىلدىردى.
