8 تامىزدا ايتەكە بي اۋدانى پوليتسياسىنىڭ «102» پۋلتىنە جول-كولىك وقيعاسى كۋاگەرلەرىنەن حابارلاما كەلىپ ءتۇستى. ولار Toyota Camry اۆتوكولىگى كيۋۆەتكە ۇشىپ كەتىپ, زارداپ شەككەندەردىڭ بارىن حابارلادى.
«ماڭعىستاۋ وبلىسىنىڭ 48 جاستاعى تۇرعىنى Toyota Camry اۆتوكولىگىمەن سامارا-شىمكەنت اۆتوجولىنىڭ 925 شاقىرىمىندا ءرۋلدى باسقارا الماي, اۆتوكولىك اۋدارىلۋىپ كەتكەن. جول اپاتىنان قىزىلوردا وبلىسىنىڭ 37 جاستاعى تۇرعىنى مەن 10 جاستاعى بالا زارداپ شەكتى», دەپ حابارلادى وبلىستىق پوليتسيا دەپارتامەنتى.
زارداپ شەككەن ايەل مەن بالا ايتەكە بي اۋدانىنىڭ ورتالىق اۋداندىق اۋرۋحاناسىنا جەتكىزىلگەن, بىراق بالا ەسىن جيناي الماي قايتىس بولدى. جۇرگىزۋشى ايتەكە بي اۋدانىنىڭ ورتالىق اۋرۋحاناسىندا جاتىر.
«قازىرگى ۋاقىتتا اتالعان فاكتى بويىنشا قر قىجك 128 – بابى بويىنشا قىلمىستىق ءىس قوزعالدى», دەپ ناقتىلادى پوليتسيادان.
