2020 جىلدىڭ تامىز ايىندا ناۋرىزباي اۋدانىنىڭ اۋماعىندا ورنالاسقان باۋ-باقشا قوعامداستىعىنىڭ بىرىندە ەسىرتكى زەرتحاناسى انىقتالعان.
«ەسىرتكى زەرتحاناسى رەتىندە جابدىقتالعان ءۇيدىڭ ىشىندە سينتەتيكالىق پرەپاراتتى شىعارۋعا ارنالعان ءتۇرلى قولبالار مەن ارنايى قوندىرعىلار تابىلدى. سونداي-اق «مەفەدرون» پسيحوتروپتى زاتتارى مەن اسا اۋقىمدى ا – PVP تاركىلەندى», دەپ ءتۇسىندىردى الماتى قالاسى پد تەرگەۋ باسقارماسى باستىعىنىڭ ورىنباسارى ءادىل سالاەۆ.
الماتىداعى كولىك-لوگيستيكالىق كومپانيالاردىڭ بىرىنە سينتەتيكالىق ەسىرتكى ءوندىرىسى ءۇشىن قولدانىلاتىن زاتتار مەن زەرتحانالىق قوندىرعىلاردان تۇراتىن جۇكتىڭ جەتكىزىلۋى پوليتسيانىڭ نازارىن اۋدارتتى. «جۇكتىڭ» تاپسىرىس بەرۋشىسى 45 جاستاعى ك. ەسىمدى ەر ادام بولىپ شىقتى. ەر ادام قاماۋعا الىنىپ, سوت ونى قر قك-ءنىڭ 297-بابى 3-بولىگى 3-تارماعى (اسا ءىرى كولەمدە پسيحوتروپتىق زاتتى ساتۋ ماقساتىندا زاڭسىز دايىنداۋ جانە ساقتاۋ) بويىنشا قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ, 11 جىلعا باس بوستاندىعىنان ايىردى.
