فوتو قالا اكىمدىگىنىڭ رەسمي سايتى
8 تامىزدا نۇر-سۇلتاندا 11 كاسىپكەرلىك نىسانى كارانتيندى بۇزدى.
الماتى اۋدانىندا «كيش ميش» كافەسىندە, «چبد» تۇنگى كلۋبىندا, «پاناەحالي» جانە «سوۆا» بارلارىندا كارانتين رەجيمى ساقتالماعان.
قوعامدىق تاماقتانۋ ورىندارى ءۇشىن بەلگىلەنگەن جۇمىس كەستەسى ەسىل اۋدانىندا ورنالاسقان «Lavash Food» جانە «Bobber Bri» جىلدام تاماقتانۋ نىساندارىندا, سونداي-اق «Pavilion» مەيرامحاناسىندا ساقتالعان جوق. سونىمەن قاتار, قىزمەتكەرلەر مەن كەلۋشىلەر ماسكا رەجيمىن ساقتاماعانى انىقتالدى.
سارىارقا اۋدانىندا كارانتين بۇزۋشىلار تىزىمىنە «El plaza» مەيرامحاناسى, «كاريما» كافەسى, «Kega mucic bar» بارى ەندى.
سونداي-اق, بايقوڭىر اۋدانىندا ورنالاسقان «Xalva» مەيرامحاناسىندا شەكتەۋ شارالارى ساقتالعان جوق.
وسىلايشا, 6-8 تامىز ارالىعىندا نۇر-سۇلتاندا ءۇش كۇن ىشىندە 45 مەكەمە كارانتين شەكتەۋلەرىن بۇزدى.
ەستەرىڭىزگە سالا كەتەيىك, دەمالىس كۇندەرى قوعامدىق تاماقتانۋ نىساندارىنا كەلۋشىلەردى قابىلداۋعا تىيىم سالىنادى. وسىعان قاراماستان, كەيبىر كافەلەر مەن مەيرامحانالار ەسىگىن ىشتەن جاۋىپ الىپ توي وتكىزگەن.
ءتارتىپ بۇزۋشىلارعا قاتىستى جينالعان ماتەريالدار ءتيىستى شارا قابىلداۋ ءۇشىن سانيتارلىق-ەپيدەميولوگيالىق باقىلاۋ سالاسىنداعى ۋاكىلەتتى ورگانعا بەرىلدى.
