كوروناۆيرۋس • 09 تامىز، 2021

Ashyq كوشباسشىلارىنا جەڭىلدىك بەرىلدى

42 رەت كورسەتىلدى

باتىس قازاقستان وبلىسىندا كوروناۆيرۋس قارقىنى ءالى دە جوعارى. بۇل بيزنەس نىساندارىنا دا وڭاي تيمەي وتىر. بىراق كارانتين تالاپتارىن ساقتاپ، Ashyq جوباسىن ءتيىمدى پايدالانىپ وتىرعان كاسىپكەرلىك نىساندارىنا بىرقاتار جەڭىلدىك بەرىلدى.

بيىلعى 5 تامىزدا باتىس قازاقستان وبلىسىنىڭ باس مەملەكەتتىك سانيتار دا­­رىگەرى جاڭا قاۋلى شىعارىپ، Ashyq جو­باسىنىڭ كوشباسشىلارىنا بىرقاتار جەڭىلدىك بەردى. ماسەلەن، Ashyq جوباسىنا قاتىسۋشى اشىق جانە جابىق بازارلار جۇمىس كۇندەرى ساعات 09.00-دەن 17.00-گە دەيىن ىستەيتىن بولسا، ال Ashyq كوشباسشىلارى جۇمىس كۇن­دەرى ساعات 09.00-دەن 19.00-گە دەيىن اشىق بولادى. سول سەكىلدى قوعامدىق تاماق­تانۋ ورىندارى، فۋدكورتتار، ساۋنالار، سپا-ورتالىقتار، باسسەيندەر، سپورت كەشەندەرى، سپورتتىق-ساۋىقتىرۋ ورتا­لىق­تارى جانە فيتنەس-ورتالىقتار، يوگا-ورتا­لىقتارى، ساۋدا ۇيلەرى، ساۋدا جەلى­لەرى، تەاترلار، كينو­تەاترلار، بيليارد بول­مەلەرى، كومپيۋتەرلىك كلۋبتار، سو­نىڭ ىشىندە PlayStation كلۋبتارى، بوۋلينگ، بالالاردىڭ (جابىق) ويىن-ساۋىق ورتالىقتارى، كاراوكە، مەيرامحانا جانە ءدامحانا ءتيپى بويىنشا كەلۋشىلەرگە قىزمەت كورسەتەتىن بانكەت زالدارىندا ىستەيتىن Ashyq كوشباسشىلارى ەندى ءوز قىز­مەتىن جۇمىس كۇندەرى ساعات 22.00-گە دەيىن كورسەتە الاتىن بولدى. ەسكەرەتىن ءبىر جايت، بۇل نىسانداردىڭ بارلىعى دا سەنبى، جەكسەنبى كۇندەرى جۇمىسىن توقتاتادى.

بۇگىندە وبلىستا كوروناۆيرۋس ينفەك­تسياسىن جۇقتىرعان بارلىعى 31 891 ادام تىركەلدى. ىندەتتى جۇقتىرعانداردىڭ 75،4-%-ى، ياعني 24 030 ادام جازىلىپ شىققان. ونىڭ ىشىندە 11 442 ادام – ستاتسيونارلىق، 12 588 ادام – امبۋلاتوريالىق ەم العاندار.

«پاندەميانىڭ باسىنان باستاپ قازىرگى كەزگە دەيىن بارلىعى 560 ادام COVID-19-دان كوز جۇمدى. ءدال قازىر جالپى سانى 1 459 توسەكتىك ورىن 20 ينفەكتسيالىق ستا­تسيوناردا 660 ادام ەمدەلۋدە. اۋرۋحانا­لار تولىمدىلىعى 45،2%-دى قۇرايدى»، دەي­دى باتىس قازاقستان وبلىستىق دەنساۋلىق ساق­تاۋ باسقارماسى باسشىسىنىڭ ورىنباسا­رى گۇلنار ابدراحمانوۆا.

گۇلنار ماقسوتقىزىنىڭ ايتۋىنشا، ينفەكتسيالىق ستاتسيونارلارداعى 109 رەا­نيماتسيالىق توسەكتىك ورىندا 44 ناۋقاس ەمدەلۋدە. ونىڭ ىشىندە 41 ناۋقاس اۋىر حالدە جانە 3 ناۋقاس اسا اۋىر حالدە جاتىر.

«ينفەكتسيالىق ستاتسيونارلاردا جات­قان ناۋقاستاردىڭ 95%-ى، ال جان ساق­تاۋ بولىمىندە اۋىر حالدە جاتقان ناۋ­قا­ستاردىڭ ەشبىرى ۆاكتسينا الماعان. بۇل ۆاك­تسينانىڭ تيىمدىلىگىن كورسەتەدى. ۆاك­تسينا الۋ ارقىلى اعزا تۇراقتى يممۋني­تەتپەن قامتاماسىز ەتىلەدى. ەكپە الۋ – ۆي­رۋستىڭ تابيعي جولمەن تارالماۋىن قام­تاماسىز ەتەتىن جالعىز ءادىس!»، دەيدى گ.ابدراحمانوۆا.

بۇگىنگە دەيىن وبلىس اۋماعىنا ۆاكتسي­نانىڭ 371 050 دوزاسى اكەلىنگەن. ونىڭ ىشىندە 207 500 دوزا – ءبىرىنشى كومپونەنت، 163 550 دوزا – ەكىنشى كومپونەنت. ەكپەنىڭ باسىم بولىگى رەسەيدە وندىرىلگەن سپۋتنيك V ۆاكتسيناسى ەكەن.

جالپى، وبلىس بويىنشا ۆاكتسينانىڭ ءبىرىنشى كومپونەنتىن 170 298 ادام قابىل­د­اعان. ال 127 962 ادام ەكپەنىڭ قوس كومپونەنتىن دە الىپ، ەمىن-ەركىن ءجۇر.

«تامىز باستالعالى وتكەن 5 كۇن ىشىندە وبلىستا COVID-19 دياگنوزىمەن 716 ادام انىقتالدى. اۋىرعانداردىڭ كوبى، ياعني 252 ادام ورال قالاسىندا تۇرادى. سونداي-اق ءبورلى اۋدانىندا 136 ناۋقاس، بايتەرەك اۋدانىندا 115 ادام، تەرەكتى اۋدانىندا 36، تاس­قالا اۋدانىندا 34 سىرقات تىركەلىپ وتىر»، دەيدى وبلىستىق سانيتارلىق-ەپي­دەميالىق باقى­لاۋ دەپارتامەنتى باس­­­شىسىنىڭ ورىنباسارى نۇرلىبەك مۇستاەۆ.

سوڭعى اپتادا وتكەن اپتامەن سالىس­تىرعاندا اۋرۋشاڭدىق 28 پايىزعا تومەن­دەگەن.

دەگەنمەن ارقانى كەڭگە سالىپ، بوساڭ­سۋعا ءالى ەرتە. جاسىرىن وتكىزىلىپ جاتقان كوپشىلىك جيىندار ازايماي تۇر. وبلىستا مونيتورينگتىك توپتار سوڭعى ءبىر اپتا ىشىندە 88 مارتە رەيد جۇرگىزىپ، 593 نىساندى تەكسەرىپ شىققان. ناتيجەسىندە، 20 نىساندا كارانتين تالابى بۇزىلعانى انىقتالعان. 19 حاتتاما تولتىرىلىپ، 1 093 875 تەڭگەگە ايىپپۇل سالىنىپتى.

وڭىردە Ashyq قوسىمشاسىن پايدالاناتىن نىساندار كوبەيىپ، بۇگىندە جالپى سانى 2289 نىسانعا جەتكەن.

«سوڭعى اپتادا Ashyq جوباسىنا قا­تى­ساتىن نىسانداردا «سارى/قىزىل» مار­تەبەسى بار 80 ادام انىقتالدى، ونىڭ ىشىن­دە «قىزىل» مارتەبەسى بار – 49، «سارى» مارتەبەسى بار 31 ادام كارانتين ءتار­تىبىن ساقتاماي، كوپشىلىك ورىندا جۇرگەن ەكەن. وسى زاڭ بۇزۋشىلىقتار ءۇشىن اكىم­شىلىك كودەكستىڭ 425-بابى، 1-بولىگى بويىن­شا جەكە تۇلعالارعا 1 808 540 تەڭگە مول­شە­رىندە بارلىعى 42 اكىمشىلىك حاتتاما تولتىرىلدى»، دەيدى نۇرلىبەك ەرمەك ۇلى.

 

باتىس قازاقستان وبلىسى

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار