اتىراۋ گارنيزونى ءباسپاسوز قىزمەتىنىڭ مالىمەتىنشە, وقۋ-جاتتىعۋ جيىنىنىڭ نەگىزگى ماقساتى – بولىمشەلەردىڭ جاۋىنگەرلىك دايىندىعىن, تاپسىرمالاردى ورىنداۋ قابىلەتىن تەكسەرۋ. سونداي-اق, كومانديرلەردىڭ اكۆاتوريادا جاۋىنگەرلىك تاپسىرمالاردى ورىنداۋ كەزىندە بولىمشەلەردى باسقارۋ قابىلەتى باعالانعان.
«وقۋ-جاتتىعۋ كەزىندە اسكەري سۇڭگۋىرلەر تەوريالىق جانە پراكتيكالىق ءبىلىمى مەن ماشىعىن جەتىلدىردى. سۇڭگۋىرلەر ءار ءتۇرلى قاشىقتىقتا جىلدامدىق پەن توزىمدىلىككە, تەرەڭدىككە سۋدا سۇڭگۋ, ءجۇزۋ قوندىرعىلارىن ىسكە قوسۋ, موتورلى قايىقتاردى باسقارۋعا ارنالعان سىناقتاردى تاپسىرىپ, العاشقى مەديتسينالىق كومەك تاپسىرمالارىن ورىندادى.
جەكە قۇرامنىڭ قارۋ جاراقتى, ارنايى تەحنيكانى جانە قۇرال-جابدىقتاردى جاۋىنگەرلىك دايىندىق جاعدايىن كەلتىرۋ, سۋ ورتاسىندا ءومىر ءسۇرۋ قابىلەتىن ارتتىرۋداعى داعدىسى مەن ءبىلىمى سارالاندى», دەدى باس شتابتىڭ ارنايى وپەراتسيالار ءبولىمىنىڭ اعا وفيتسەرى پودپولكوۆنيك اقىلبەك كەنجەباەۆ.
