اقمولا وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى اتاپ وتكەندەي, 6 تامىز كۇنى ساعات 17.30 كەزىندە قارابۇلاق اۋىلىنىڭ شەتىندە قۇرعاق ءشوپ ورتەنگەن. قىزىل جالىن شامامەن 40 گەكتار اۋماقتى شارپىدى.
«تۇنگى 22.05 كەزىندە دالا ءورتى اۋىزدىقتالدى. ءورتتى ءسوندىرۋ ودان كەيىن دە ءبىراز ۋاقىتقا جالعاستى» دەپ ءمالىم ەتتى دەپارتامەنتتىڭ ءباسپاسوز قىزمەتى.
وقيعا ورنىندا توتەنشە جاعدايلار دەپارتامەنتىنىڭ كۇش-قۇرالدارى, اتاپ ايتقاندا 16 قىزمەتكەر مەن 4 تەحنيكا جۇمىس ىستەدى.
سونىمەن قاتار «ستەپنوگور ورمان شارۋاشىلىعى» مەكەمەسىنەن 6 جۇمىسشى مەن 2 تەحنيكا كومەككە كەلدى. ءتىلسىز جاۋدى اۋىزدىقتاۋ ءۇشىن جەرگىلىكتى اتقارۋشى ورگاندار تاعى 21 ادام مەن 8 تەحنيكا جولداعان.
ورمانعا جانە جاقىن ماڭداعى ەلدىمەكەندەرگە ەشقانداي قاۋىپ-قاتەر ءتونىپ تۇرعان جوق.
