مەملەكەت سالىمشىلار مۇددەسىمەن ساناسادى

ءساۋىر ايىنىڭ باسىندا بانكروت­تىق احۋالىن باستاپ كەشكەن ۆاليۋت-ترانزيت بانك سالىمشىلارىنا تولەن­بەگەن كەپىلدى قايتارىمدار 302,8 ملن. تەڭگەنى قۇرادى. مۇنىڭ سەبەبى ادەتتەن تىس – سالىمشىلار بۇل اق­شا­لاردى الۋعا اسا تالپىنىپ تا وتىر­عان جوق. قازاقستاننىڭ دەپوزيت­تەرگە كەپىلدىك بەرۋ قورىنىڭ ءمالى­مەت­تەرىنە جۇگىنسەك, ازىرگە ءوز جيناقتاۋلارىن 204 086 سالىمشى تالاپ ەتپەگەن كورىنەدى. بۇل احۋال دەپوزيتتەرگە كەپىلدىك بەرۋ قورى كەپىلدى وتەمدى تولەۋگە ەندى عانا كىرىسكەن 2006 جىلدىڭ جەلتوق­سانى مەن 2007 جىلعى ناۋرىزدىڭ باسىنداعى كەزدەگىدەن مۇلدەم وزگەشە. ول كەزدە ادامدار ءوز دەپوزيتتەرىن ۋايىمداپ ابىگەرگە ءتۇسىپ, اقشالارىن قايتارىپ الۋ ءۇشىن كەزەكتەردە تۇردى. 2007 جىلدىڭ ناۋرىزىندا, ناقتى­لاي تولەمدەر باستالعان مەزەتتەگى العاشقى ايدا دەپوزيتتەرگە كەپىلدىك بەرۋ قورى سالىمشىلارعا 10 ملرد. تەڭگە تولەدى. بۇل سالىمشىلار الدىنداعى مىندەتتەمەنىڭ شامامەن 70 پايىزى ەدى. كەپىلدى وتەمدى تولەۋگە وراي قور مىندەتتەرىنە اينالعان بانك دەپوزيتى يەلەرىنىڭ جالپى سانى – 267 291, تالاپتىڭ باستاپقى جالپى سوماسى  14 171,9 ملن. تەڭگە بولاتىن. بۇگىنگى كۇنگە 13 ملرد. تەڭگەدەن استا­مى نەمەسە سالىمشىلار الدىنداعى قور مىندەتتەمەسى جالپى سوماسىنىڭ 98 پايىزى تولەنگەن. – كەيبىر سالىمشىلاردىڭ ەلدەن تىسقارى جەرلەردە جۇرگەنى ايعاق. باسقالارىن, بالكىم, قور تولەمدەردى توقتاتىپ تاستادى دەگەن جاڭساق قاۋىپ تەجەپ جاتقان بولار. ءىس جۇزىندە بۇلاي ەمەس, –  دەيدى “قازاقستاننىڭ دەپوزيتتەرگە كەپىلدىك بەرۋ قورى” اق ءتورايىمى باقىت ماجەنوۆا. – ءبىزدىڭ مالىمەتتەر بازامىزدا ۆاليۋت-ترانزيت بانكتىڭ بارلىق سالىمشى­لارى تۋرالى دەرەكتەر بار. ولار, بانكتە سالىمنىڭ قانداي ءتۇرى  اشىل­عانىنا قاراماستان, 700 مىڭ تەڭگەگە دەيىنگى كولەمدە ءوز اقشالارىن الا الادى. ويتكەنى, زاڭناماعا سايكەس كەپىلدەمە دەپوزيتتەردىڭ بارلىق تۇرلەرىن, سونىڭ ىشىندە كارتالىق ەسەپ-شوتتاعى اقشالاردى دا وتەيدى. وسى ورايدا بۇكىل قازاقستان بويىنشا تۇراقتى جۇمىس ىستەيتىن شۇعىل بايلانىس اشتىق. اتالمىش بانككە ورنالاستىرعان اقشاسىن الۋ ءتارتىبىن انىقتاۋ ءۇشىن كەز-كەلگەن سالىمشى ءبىزدىڭ وپەراتور­لارىمىزعا تەلەفون شالا الادى. العاشقى ءۇش جىلدا سالىمشىلاردىڭ كەپىلدى قايتارىمىن قازاقستاننىڭ دەپو­زيتتەرگە كەپىلدىك بەرۋ قورىنىڭ اگەنتى رەتىندە تۇرانالەم بانك تولەپ تۇردى. سودان كەيىن ءوز اقشالارىن تالاپ ەتۋشى سالىمشىلار سانى ايتارلىقتاي ازايدى دا, 2010 جىلدان باستاپ تولەمدەر تەك قوردىڭ وزىنەن بەرىلەتىن بولدى. سوندىقتان, كەپىلدى وتەمدى ءالى كۇنگە دەيىن الماعان بانك سالىمشى­لارى تىكەلەي قورعا مىنا مەكەن-جاي بويىن­شا حابارلاسۋلارى كەرەك: 050040, الماتى ق., كوكتەم-3 شاعىن اۋدانى, 21-ءۇي, 509-بولمە. ۆاليۋت-ترانزيت بانكتە دەپوزيتى بار ەكەندىگىن راستاي­تىن قۇجاتتاردى تابىس ەتىپ, اقشا  اۋدارىمى ءۇشىن قازاقستاننىڭ كەز-كەلگەن بانكىندەگى ەسەپ-شوتتى كورسەتۋى قاجەت. كەپىلدى وتەمدى الۋ تۋرالى قوسىمشا اقپاراتتى قازاقستان­نىڭ دەپوزيتتەرگە كەپىلدىك بەرۋ قورى­نىڭ ماماندارىنان 8-800-080-10-20 “شۇعىل  بايلانىس” ءنومىرلى تەگىن تەلە­فونى ارقىلى الۋعا بولادى. ءسويتىپ, سايىپ كەلگەندە, بۇل يگىلىكتى قادامنان مەملەكەتتىڭ سالىمشىلار مۇددەسىمەن ساناساتىنىن كورەمىز. باقىت بالعارينا.