ەلوردا • 06 تامىز، 2021

نۇر-سۇلتاندا الەۋمەتتىك تۇرعىن ءۇي سانى ارتتى

80 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ Instagram پاراقشاسىندا الەۋمەتتىك قولجەتىمدى تۇرعىن ءۇي قۇرىلىسى جايلى جازدى، دەپ حابارلايدى Egemen.kz.

«قالا — ءتىرى ورگانيزم ىسپەتتەس، ال ول تولىققاندى جۇمىس ىستەۋى ءۇشىن بارلىق سالانى جەتىلدىرۋ قاجەت. مىسالى، تۇرعىن ءۇي جانە باسقا دا نىساندى سالۋ كەزىندە ۇيلەردى جىلۋمەن، ەلەكترمەن جانە باسقا دا كوممۋنيكاتسيالارمەن قامتاماسىز ەتۋ كەرەك، ال جولدار، بالاباقشالار، مەكتەپتەر، مەديتسينالىق مەكەمەلەر سالۋ ءۇشىن ينجەنەرلىك جەلىلەر جۇرگىزۋ قاجەت. وسى تۇجىرىمداماعا سايكەس ەلوردا اۋداندارى ورتالىقتاندىرىلىپ دامىپ كەلەدى.

قالانى ارالاۋ كەزىندە الەۋمەتتىك قولجەتىمدى تۇرعىن ءۇي قۇرىلىسىنىڭ بارىسىمەن تانىستىم. ەلوردانىڭ بارلىق اۋدانىندا، سونىڭ ىشىندە ەلدى مەكەندەردە جەڭىلدىكپەن بەرىلەتىن باسپانا سالىپ جاتىرمىز. 

بۇگىن «وتاۋ» شاعىن اۋدانىنا (الماتى اۋدانى، مەترو ماڭايى) باردىم. وندا قولجەتىمدى جەڭىلدىكپەن بەرىلەتىن تۇرعىن ۇيلەردەن تۇراتىن شاعىن اۋدانى بولادى. بۇل شاعىن اۋداندا كەزەكتە تۇرعاندارعا (ونىڭ ىشىندە وتباسى بانكىندە كەزەكتە تۇرعاندار ءۇشىن) ارنالعان الەۋمەتتىك پاتەرلەردىڭ جالپى سانى 2 مىڭنان اسادى.

شاعىن اۋداندا بالاباقشا، مەكتەپ سالۋدى، سول سياقتى مەديتسينالىق مەكەمە، دەمالىس ورىندارىن، ازىق-ت ۇلىك دۇكەندەرىن جانە ت.ب. قاراستىرۋدى تاپسىردىم.

سونىمەن قاتار، اۋماقتى اباتتاندىرۋعا ەرەكشە نازار اۋدارۋ قاجەت: اۋلا اۋماقتارى، جولدار، كاناليزاتسيا، اۆتوبۋس ايالدامالارى، جارىقتاندىرۋ. 

بيىل مەملەكەت باسشىسىنىڭ تاپسىرماسى بويىنشا الەۋمەتتىك تۇرعىن ءۇي سانىن ارتتىرامىز. مىسالى، 2018 جىلى 1800 الەۋمەتتىك پاتەر سالىنعان بولسا، بيىل بۇل كورسەتكىشتى 10 مىڭعا دەيىن جەتكىزەمىز، سوڭعى 3 جىلدا الەۋمەتتىك تۇرعىن ءۇي سانى 5 ەسەدەن اسا ارتتى. 

سونداي-اق ەلباسىنىڭ باستاماسىمەن قولعا الىنعان «جۇمىس ىستەيتىن جاستارعا جالعا بەرىلەتىن تۇرعىن ءۇي» باعدارلاماسى بيىل دا جالعاسادى. بۇدان بولەك، تۇرعىن ءۇي سەرتيفيكاتىنىڭ سوماسىن 1 ملن تەڭگەدەن 1،5 ملن تەڭگەگە دەيىن ۇلعايتتىق، قازاقستاندىق تۇرعىن ءۇي كومپانياسىنىڭ (قيك) باعدارلاماسى بويىنشا قاتىسۋشىلار ساناتىن كەڭەيتتىك»، دەپ جازدى قالا اكىمى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار