Ranking.kz جازۋىنشا, زاڭسىز اڭ اۋلاۋ دەركگى دە كوبەيىپ, 48-گە جەتكەن.
بالىق رەسۋرستارىن, باسقا سۋ جانۋارلارى مەن وسىمدىكتەرىن زاڭسىز الۋدىڭ 132 فاكتىسى, سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق تىيىم سالىنعان وسىمدىكتەر مەن جانۋارلارعا قاتىستى 135 قىلمىس تىركەلدى.
سونىمەن بىرگە ەكولوگتار دا زارداپ شەكتى. ماسەلەن, بيىل جانۋارلار دۇنيەسىن قورعاۋ جونىندەگى مەملەكەتتىك ينسپەكتورعا, جانۋارلار دۇنيەسىن قورعاۋ جونىندەگى مامانداندىرىلعان ۇيىم ينسپەكتورىنا, اڭشىعا قاتىستى 3 زورلىق-زومبىلىق وقيعاسى تىركەلدى.
ەستەرىڭىزگە سالا كەتەيىك, قازاقستاندا جانۋارلارعا قاتىگەزدىك تانىتقانى ءۇشىن ناقتى جازا قاراستىرىلعان زاڭ جوباسى ازىرلەندى.
وندا جانۋارعا بۇزاقىلىق نيەتپەن نەمەسە ولىمگە نەمەسە جاراقاتقا اكەپ سوقتىراتىن, اۋىرتپالىق پەن ازاپقا دۋشار ەتكەن قاتىگەز قارىم-قاتىناس جاساعانى ءۇشىن 2000 اەك-كە دەيىنگى مولشەردە ايىپپۇل سالۋ, تۇزەۋ جۇمىستارىنا نەمەسە قوعامدىق جۇمىستارعا تارتۋ قاراستىرىلعان. ەكى جىلعا دەيىن باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ دا بار.
