ساياسات • 06 تامىز، 2021

مەدياتسيانىڭ ماڭىزى

34 رەت كورسەتىلدى

پاۆلوداردا «مەدياتسيا تۋرالى» زاڭنىڭ كۇشىنە ەنۋى­نىڭ 10 جىل­­دىعىنا جانە مەدياتسيا ورتالىعى قىزمەتىنىڭ 5 جىل­دى­عى­نا ارنالعان «قوعامدىق كەلىسىم مەن جالپىۇلتتىق بىر­لىك­تى قام­ت­اماسىز ەتۋدەگى مەدياتسيانىڭ ءرولى» تاقىرىبىندا دوڭگەلەك ۇستەل ءوتتى.

بىرىڭعاي مەدياتسيا كۇنى اياسىندا وتكەن دوڭگەلەك ۇستەلدىڭ جۇمى­سىنا قوعامدىق مەدياتور­لار، پاۆلودار وبلىسىنىڭ مەملە­كەت­تىك ورگاندارى مەن كاسىپوداق­تارىنىڭ وكىلدەرى قاتىستى.

وتىرىستى اشقان قازاقستان حالقى وبلىستىق اسسامبلەياسى حاتشىلىعىنىڭ مەڭگەرۋشىسى اينۇر رايسوۆا مەدياتورلار جۇ­مى­سىنىڭ داۋلاردى سوتقا دەيىن­گى تارتىپپەن رەتتەۋدەگى ماڭى­زىن اتاپ ءوتتى. ال اقپارات جانە قوعام­دىق دامۋ مينيسترلىگى «قوعام­دىق كەلىسىم» رمم قحا قۇرى­لىم­دارىمەن جۇمىس جانە جوبالاردى ىسكە اسىرۋ باسقارماسىنىڭ باس­شىسى تالشىن يتاليەۆا ازامات­تاردىڭ سوتسىز كەلىسىم پراكتيكاسىنا ءجيى جۇگىنەتىنىن جانە كاسىبي مەدياتورلاردىڭ كومەگى كوبىرەك تالاپ ەتىلەتىنىن اتاپ ءوتتى.

«قازاقستان حالقى اسسامبلەيا­سى قوعامدىق مەدياتورلار ينستيتۋتىن قۇرۋ جانە دامىتۋ بويىنشا جۇيەلى جۇمىس جۇرگىزۋدە. بەس جىل ىشىندە ەلىمىزدە جيىرما مەدياتسيا كەڭەسى قۇرىلدى»، دەدى ول.

ت.يتاليەۆا رەسپۋبليكالىق مەدياتسيا كەڭەسى ءوز قىزمەتىنىڭ بەس جىلىندا  ءوزارا ىنتىماقتاستىق تۋ­رالى جيىرمادان استام مەمو­راندۋمعا قول قويعانىن ايتتى. مەموراندۋمدار جوعارعى سوت جانە سۋديالار وداعىمەن، رەسەي فەدەراتسياسىنىڭ فەدەرالدىق مەدياتسيا ينستيتۋتىمەن جانە ۇلتتىق مەدياتورلار ۇيىمىمەن، قر ۇلتتىق دەنساۋلىق ساقتاۋ پالا­تاسىمەن، «اتامەكەن» ۇلت­تىق كاسىپ­كەرلەر پالاتاسىمەن، رەسپۋب­ليكالىق ادۆوكاتتار القاسىمەن، رەسپۋبليكالىق نوتاريالدىق پالاتامەن، قازاقستاننىڭ ادام قۇقىقتارى جونىندەگى ۋاكىلىمەن، «تۇران-استانا»ۋنيۆەرسيتەتىمەن جاسالعان. قازاقستان حالقى اسسامب­لەياسىنىڭ قولداۋىمەن بار­لىق وڭىردە مەدياتسيا كابينەت­تەرى اشىلىپ، «قوعامدىق كەلى­سىم» كمم شتاتىنا مەدياتسيا ماسە­لەلەرى بويىنشا ۇيلەستىرۋشىلەر قابىلداندى. بۇگىنگى تاڭدا وب­لىستىق «قوعامدىق كەلىسىم» كمم جانىندا 17 مەدياتسيا كا­بينەتى، 346 ديالوگتىق الاڭ جۇ­مىس ىستەيدى»، دەدى ت.يتاليەۆا.

پاۆلودار وبلىسى اۋماقتىق كاسىپ­وداقتار بىرلەستىگىنىڭ تور­اعاسى دينارا ايتجانوۆا ءوز سوزىندە كاسىپوداقتار قىزمەت­كەر­لەرىنىڭ بارلىعى وزدەرىنىڭ بازالىق بىلىمىنە قاراماستان، قىز­مەت ەرەكشەلىگىنە بايلانىستى مەدياتورلار بولىپ تابىلاتىنىن جەتكىزدى.

ء«بىزدىڭ قىزمەتىمىزدىڭ نەگىزگى قاعيداتى – جۇمىسكەرلەردىڭ قۇ­قىقتارىن قورعاۋ. ەڭبەك داۋلارىن شەشۋ ءۇشىن قۇقىقتىق قورعاۋ جانە مەدياتيۆتىك كومەك تەتىگى سوتقا دەيىن دە، سوتتا دا قولدانىلادى. كاسىپوداقتاردىڭ ەڭبەك داۋلارىن سوتقا دەيىن شەشۋگە قاتىسۋ قۇقىعى «كاسىپتىك وداق­تار تۋرالى» زاڭدا بەكى­تىلگەن»، دەدى ول.

كاسىپوداق توراعاسى پاندەميا كەزىندە ەنگىزىلگەن شەكتەۋ­لەردىڭ ەرەكشەلىكتەرىنە بايلانىستى كاسىپوداقتاردىڭ «تاتۋلاسۋ ورتالىعى» جۇمىسىن قاشىقتىقتان جالعاستىرىپ، وبلىس ازاماتتارىنا جەدەل جەلى ارقىلى كەڭەس بەرۋدى ۇيىمداس­تىرعانىن اتاپ ءوتتى. اتالعان جەلىگە وبلىس تۇرعىندارى قۇقىق­تىق كەڭەس الۋ جانە تاتۋلاستىرۋ كەلىسسوزدەرىن جۇرگىزۋ ءۇشىن جۇگىنە الادى. سونداي-اق تاتۋلاستىرۋ ورتالىعىنىڭ قىزمەتىن اقپاراتتاندىرۋ ءۇشىن جەدەلحات مەسسەندجەرىندە ارنا قۇرىلدى.

اققۋلى اۋدانى جامبىل اۋىلىنىڭ 74 جاستاعى تۇرعىنى ومىرزاق يساعۇلوۆ قوعامدىق مەدياتور رەتىندە اۋىل تۇرعىندارى اراسىنداعى داۋلاردى شەشۋ ءۇشىن اۋداننىڭ اۋىلدىق وكرۋگتەرىن ۆەلوسيپەدپەن ارالايدى. ول اتاپ وتكەندەي، بۇعان دەيىن اۋىلدىق جەرلەردە «حالىق مەدياتورى» – جەرگىلىكتى اكىم مەن ارداگەرلەر كەڭەسى بولعان ەدى.

«اۋىل – ۇلكەن وتباسى، وندا بارلىعى ءبىر-ءبىرىن جاقسى بىلەدى. داۋ-جانجال تۋىنداعاندا داۋ­گەرلەر ءبىرىنشى كەزەكتە اۋىل اكىمىنە باراتىن ەدى»، دەيدى ءو.يسا­عۇلوۆ. ونىڭ ايتۋىنشا، مەديا­تسيانىڭ كەلۋىمەن ازاماتتار اراسىنداعى داۋلار قوعامدىق مەدياتورلاردىڭ كومەگىمەن رەتتەلە باستاعان. ول قوعامدىق مەدياتور رەتىندە بەدەلگە يە بولۋ ءۇشىن وزىنە جۇگىنەتىن اۋىل تۇرعىندارى اراسىندا ءمىنسىز بەدەلگە يە بولۋ كەرەك دەپ ەسەپتەيدى.

دوڭگەلەك ۇستەل سوڭىندا بىر­قاتار قوعامدىق مەدياتور مەن مەملە­كەتتىك ورگانداردىڭ باسشى­لارى ازاماتتارعا وتەۋسىز قۇقىق­تىق كومەك كورسەتۋ جانە ۇيىمداس­تىرۋ بويىنشا جوعارى كاسىبيلىگى مەن ءتيىمدى جۇمىسى ءۇشىن العىس حاتتارىمەن ماراپاتتالدى.

بۇگىنگى تاڭدا پاۆلودار وبلىسىندا 28 مەدياتسيا كابينەتى جۇمىس ىستەيدى. ولاردىڭ بىرەۋى وبلىستىق، تورتەۋى قالالىق. قالعان جيىرما ءۇشى اۋدان ورتالىقتارى مەن اۋىلدىق وكرۋگتەردە.

 

 

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار