ساياسات • 06 تامىز، 2021

مەديا ولشەۋ جۇيەسىن دامىتۋ قاجەت

21 رەت كورسەتىلدى

قازاقستان رەسپۋبليكاسى اقپارات جانە قوعامدىق دامۋ ءمي­نيسترى­نىڭ ورىنباسارى كەمەلبەك ويشىباەۆتىڭ توراعالى­عىمەن قازاقستانداعى مەديا ولشەۋ جۇيەسىن دامىتۋ ماسەلەلەرىنە ارنالعان ونلاين-كونفەرەنتسيا ءوتتى.

اتالعان شاراعا قازاقستاندىق تەلەارنالاردىڭ، جارناما ساتۋ­شىلاردىڭ، سالالىق قاۋىمداس­تىق­تاردىڭ، زەرتتەۋ كومپا­نيا­لارىنىڭ وكىلدەرى، سونداي-اق مەديا-سالا ساراپشىلارىنىڭ كوپشىلىگى قاتىستى.

كەمەلبەك ويشىباەۆ ءوز كەزەگىندە مينيسترلىكتىڭ قولداۋى­مەن وتكەن جىلدان بەرى وتكىزىلىپ كەلە جاتقان مەديا ولشەۋ جۇيەسىن جەتىل­دىرۋ جۇمىستارىنىڭ ارا­لىق قورىتىندىسىن شىعار­دى. وسىلايشا، ۆيتسە-مينيستر ولشەۋ پانەلدەرىنىڭ ينتەگرا­تسيا­لانۋىنىڭ ارقاسىندا 2021 جىلعى مامىردا اقپارات جانە قوعامدىق دامۋ مينيسترلىگىنىڭ سايتىندا ونلاين-سەرۆيس ىسكە قوسىلعانىن اتاپ ءوتتى جانە وندا كەز كەلگەن ادام ناقتى ۋاقىت رەجىمىندە تەلە ولشەمدەردىڭ جەدەل دەرەكتەرىمەن تانىسا الاتىنىن ايتتى. ء«بىر ۋاقىتتا اۋىلدىق ەلدى مەكەندەردى تەلەولشەۋمەن قامتۋ ماسەلەسى پىسىقتالۋدا»، دەدى ك.ويشىباەۆ.

سونىمەن قاتار كونفەرەنتسيا بارىسىندا اقپارات جانە قوعامدىق دامۋ مينيسترلىگى ءبى­رىن­شى جارتىجىلدىقتا تسيفر­لىق دامۋ، يننوۆاتسيالار جانە اەروعارىش ونەركاسىبى مينيستر­لىگى­مەن بىرلەسىپ «تسيفرلىق ءومىر سالتى – DigitEL» ۇلتتىق جوباسىنا «اۋىلدىق ەلدى مەكە­ن­دەردىڭ كورەرمەندەر اۋديتو­رياسىن مەديا ولشەمدەر جۇيە­سىمەن قامتۋ ءۇشىن ولشەۋ پانە­لى­نىڭ بولۋى» كورسەتكىشىن جا­نە وعان ساي­كەس «اۋىلدىق ەلدى مە­كەن­­دەردىڭ كورەرمەندەر اۋدي­تو­رياسىن مەديا ولشەمدەر جۇيەسى­مەن قامتۋدى قامتاماسىز ەتۋ بو­يىنشا جوبانى ىسكە اسىرۋ» ءىس-شا­راسىن ەنگىزۋ ماسەلەسى پى­سىق­تال­عانى تۋرالى اقپارات ايتىلدى.

ونلاين-كونفەرەنتسيا تال­قى­لاۋ فورماتىندا بولىپ، قا­تى­سۋشىلار اراسىندا ءوزارا كاسى­بي پىكىرتالاس ءوتتى. ءسويتىپ، اتال­عان تەلەولشەمدەردىڭ قۇ­بىل­ما­­لى­لىعى ماسەلەسى بويىن­­شا ەكاتەرينا كوچەۆا (31 ارنا) ءسوز سويلەدى. سونداي-اق ءلاززات سۇيىندىك («حابار» اق) تەلە­ول­شەۋلەر جۇيەسىن جەتىلدىرۋدىڭ ما­ڭىز­دىلىعى تۋرالى ايتسا، ديلمۋراد راحيموۆ (International Media Service) مەديا-جارناما يندۋسترياسىنا قاتىسۋشىلاردىڭ ءوزارا ءىس-قيمىلىنىڭ وزەكتى ماسەلەلەرىن قوزعادى، ال تاتيانا ستارتسەۆايا (TNS Central Asia) تەلەول­شەۋلەردى ۇيىمداستىرۋ مەن وت­كىزۋدىڭ اعىمداعى تاسىل­دەرى تۋرالى ايتتى. ال اندرەي بويا­رينوۆ (MediaHills) «قازىرگى تاڭ­داعى تەلەولشەۋلەردى ۇيىمداس­تىرۋ جانە وتكىزۋ تاسىلدەرىنە» توقتالدى.

ءىس-شارا سوڭىندا كەمەلبەك ويشىباەۆ كونفەرەنتسيانىڭ بارلىق قاتىسۋشىلارى اتالعان ماسەلە بويىنشا ءبىر باعىتتى ۇستاناتىنىن جانە بۇل تالقىلاۋ ەلىمىزدە مەديا ولشەۋ جۇيەسىنىڭ قالاي داميتىنىنا بارلىعىنىڭ بەيجاي قارامايتىنىن كورسەتىپ بەرگەنىن جەتكىزدى.

ول مينيسترلىك قازاقستانداعى مەديا ولشەۋ جۇيەسىن دامىتۋعا قاتىستى ۇسىنىستار مەن سۇراق­تارعا جاۋاپ بەرۋگە ءاردايىم دا­يىن ەكەنىن ايتتى.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار