ايماقتار • 05 تامىز، 2021

مەملەكەتتىك باعدارلامالار بويىنشا 18 مىڭ جاڭا جۇمىس ورنى اشىلدى

17 رەت كورسەتىلدى

جىل باسىنان بەرى قاراعاندى وبلىسىندا مەملەكەتتىك باعدارلامالار بويىنشا 18 مىڭ جۇمىس ورنى قۇرىلدى. سونداي-اق، جاڭا بيزنەس-يدەيالاردى ىسكە اسىرۋ ءۇشىن وڭىر تۇرعىندارىنا 685 گرانت بەرىلدى، دەپ حابارلايدى Egemen.kz.

بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ونلاين-بريفينگتە قاراعاندى وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ مىندەتىن اتقارۋشى تولەۋ مۇحتار مالىمدەدى.

ء«وز ىسىمەن اينالىسقىسى كەلەتىندەر ءۇشىن «باستاۋ بيزنەس» مەملەكەتتىك باعدارلاماسى بار. بۇل باعدارلاما بويىنشا كاسىپكەرلىك نەگىزدەرىن وقىپ-ۇيرەنۋ جانە جاڭا بيزنەس-يدەيالاردى ىسكە اسىرۋعا 583 400 تەڭگە سوماسىندا وتەۋسىز گرانت نەمەسە جەڭىلدىكتى مولشەرلەمەلەر بويىنشا ميكروكرەديت الۋعا بولادى. وسى جىلدىڭ 7 ايىندا اتالعان جوبا بويىنشا وقۋعا 1 538 ادام جىبەرىلدى. باعدارلاما قاتىسۋشىلارىنا 685 گرانت جانە 471 شاعىن نەسيە بەرىلدى. شاعىن نەسيەلەر نەگىزىنەن مال شارۋاشىلىعىنا، وسىمدىك شارۋاشىلىعىنا، ازىق-ت ۇلىك پەن كيىم وندىرىسىنە، حالىققا قىزمەت كورسەتۋگە، تقس اشۋعا، جولاۋشىلار مەن جۇك تاسىمالىنا بەرىلدى»، دەدى تولەۋ مۇحتار.

وڭىردە جۇمىسپەن قامتۋعا جاردەمدەسۋ شارالارىن كورسەتۋ ءۇشىن «ەڭبەك»، «جۇمىسپەن قامتۋدىڭ جول كارتاسى» جانە باسقا دا باعدارلامالار ىسكە اسىرىلۋدا. بيىل ولار 75 مىڭنان استام ادامدى قامتۋدى جوسپارلاپ وتىر. ونىڭ ىشىندە «ەڭبەك» باعدارلاماسى بويىنشا 41 000 ادامدى، جقجك اياسىندا – 800 ادامدى، باسقا باعدارلامالار بويىنشا – 33 700 جۇمىسسىزدى جۇمىسقا ورنالاستىرۋ جوسپارلانۋدا.

«7 ايدىڭ قورىتىندىسى بويىنشا «ەڭبەك» باعدارلاماسى بويىنشا 25 مىڭعا جۋىق ادام جۇمىسپەن قامتۋ شارالارىمەن قامتىلىپ، 21 مىڭنان استام ادام جۇمىسقا ورنالاستىرىلدى. ەڭبەك نارىعىندا سۇرانىسقا يە ماماندىقتار مەن داعدىلار بويىنشا قىسقا مەرزىمدى كاسىپتىك وقىتۋعا 930 ادام جىبەرىلدى. جاستار تاجىريبەسىنە 653 ادام ورنالاستىرىلدى، قوعامدىق جۇمىستارعا 5 571 ادام تارتىلدى. ء«بىرىنشى جۇمىس ورنى» باعدارلاماسى بويىنشا 80 ادام جۇمىسقا ورنالاستى. بارلىق مەملەكەتتىك باعدارلامالار اياسىندا 18 مىڭنان استام جاڭا جۇمىس ورنى اشىلدى»، دەدى تولەۋ مۇحتار.

حالىقتىڭ الەۋمەتتىك وسال توپتارى دا مەملەكەتتەن قولداۋ الادى. وبلىس بويىنشا اتاۋلى الەۋمەتتىك كومەك 3 521 وتباسىنا كورسەتىلدى. كەپىلدەندىرىلگەن الەۋمەتتىك پاكەت 1 جاستان 6 جاسقا دەيىنگى 3 967 بالاعا تاعايىندالدى. سونىمەن قاتار، ااك الۋشىلارعا 2 566 ءدارى-دارمەك قوبديشاسى بەرىلدى.

«مۇگەدەك ادامداردىڭ ءومىر ءسۇرۋ ساپاسىن جاقسارتۋ ءۇشىن وڭىردە الەۋمەتتىك قىزمەتتەر پورتالى قۇرىلدى، ول ارقىلى وڭالتۋ قۇرالدارى مەن قىزمەتتەرىن تىكەلەي جەتكىزۋشىلەردەن ءوز بەتىنشە ساتىپ الۋعا بولادى. ولار ارنايى الەۋمەتتىك قىزمەتتەردى رەسىمدەي الادى، وڭالتۋدىڭ تەحنيكالىق قۇرالدارىنا تاپسىرىس بەرە الادى، ىمداۋ ءتىلى مامانىنىڭ، جەكە كومەكشىنىڭ، ساناتوري-كۋرورتتىق ەمدەۋدىڭ قىزمەتتەرىنە جۇگىنە الادى»، دەپ اتاپ ءوتتى سپيكەر.

مەملەكەت تاراپىنان وڭالتۋدىڭ تەحنيكالىق قۇرالدارى مەن قىزمەتتەرىنىڭ قۇنىن وتەۋ تەتىگى كوزدەلەدى. پورتال قوسىمشا تۇتىنۋشى قىمبات تاۋارلار مەن قىزمەتتەردى تاڭداعان كەزدە قوسىمشا اقى تولەۋ مۇمكىندىگىن قاراستىرادى. 1 تامىزداعى جاعداي بويىنشا پورتال ارقىلى 19 335 تەحنيكالىق وڭالتۋ قۇرالدارى مەن قىزمەتتەرىنە تاپسىرىس بەرىلدى، ولاردىڭ 14 328-ءى ورىندالدى. سونداي-اق، وسى جىلدىڭ شىلدە ايىندا وبلىس تۇرعىندارىنا ىڭعايلى بولۋ ءۇشىن 1414 ءنومىرى بويىنشا بىرىڭعاي Call-ورتالىق اشىلدى، وندا الەۋمەتتىك پورتال جۇمىسى تۋرالى سۇراقتارعا جاۋاپ الۋعا بولادى.

سوڭعى جاڭالىقتار

ەڭبەكپەن ەسەيگەن ەر

قازاقستان • كەشە

بەيتانىس ساعىنىش

الەم • كەشە

جالعىزدىق ارالى

كينو • كەشە

ەلوردادا قار جاۋادى

قازاقستان • كەشە

بۇگىن ماشينا جاساۋ كۇنى

قازاقستان • كەشە

سقو-دا جۇك كولىگى جىلۋ قۇبىرىنا سوعىلدى

ايماقتار • 25 قىركۇيەك، 2021

ۇقساس جاڭالىقتار