قازاقستان • 05 تامىز، 2021

قازاقستاننىڭ جاڭا تاريحىن بىلۋگە ارنالعان ونلاين-تەست ىسكە قوسىلدى

156 رەت كورسەتىلدى

تاۋەلسىزدىكتىڭ 30 جىلدىعىن مەرەكەلەۋ شەڭبەرىندە ءىس-شارالار ناۆيگاتورى سايتىندا قازاقستاننىڭ جاڭا تاريحىن بىلۋگە ارنالعان ونلاين-تەست ىسكە قوسىلدى، دەپ حابارلايدى Egemen.kz 30jyl.kz سايتىنا سىلتەمە جاساپ.

سىناقتا كسرو ىدىراعاننان كەيىنگى ەلىمىزدىڭ دامۋ كەزەڭدەرى، 1991 جىلدان قازىرگى ساتىعا دەيىنگى ۋاقىت شەجىرەسى تۋرالى سۇراقتار جيناقتالعان.

جوبا قر اقپارات جانە قوعامدىق دامۋ مينيسترلىگىنىڭ قاسىنداعى جوبالىق كەڭسەمەن قازاقستان تاۋەلسىزدىگىنىڭ 30 جىلدىعىنا ورايلاستىرىلعان.

ونلاين-تەست 30jyl.kz – قر تاۋەلسىزدىگىنىڭ 30 جىلدىعى اياسىندا وتكىزىلەتىن بارلىق ءىس-شارالار تۋرالى انونستار مەن جاڭالىقتار ورنالاستىرىلاتىن ارنايى سايتتا ازىرلەندى. شىلدە ايىنان باستاپ 30jyl.kz سايتىندا كەز كەلگەن ينتەرنەت قولدانۋشىلار تاۋەلسىز قازاقستان تاريحىن قانشالىقتى جاقسى بىلەتىنىن بايقاپ كورە الادى.

تەستىدەن ءوتۋ قورىتىندىسى بويىنشا ءار قاتىسۋشى ءوزىنىڭ دەربەس ونلاين-سەرتيفيكاتىن الادى. بارلىق قاتىسۋشىلاردىڭ ناتيجەلەرى دۇرىس جاۋاپتار سانى مەن جۇمسالعان ۋاقىت نەگىزىندە قالىپتاساتىن جالپى رەيتينگكە ەنگىزىلەدى. جىل سوڭىندا ەڭ ناتيجەلى قاتىسۋشىلار ەستەلىك سىيلىقتارعا يە بولادى.

سوڭعى جاڭالىقتار

ۇقساس جاڭالىقتار