ANTIKOR • 05 تامىز، 2021

تارازدا كاسىپكەردەن پارا العان شەنەۋنىكتەر جاۋاپقا تارتىلدى

1381 رەت كورسەتىلدى

تاراز قالاسى اكىمدىگىنىڭ بىرنەشە قىزمەتكەرى كاسىپكەرگە كارانتيندە جۇمىس ىستەۋگە مۇمكىندىك بەرىپ، سول ءۇشىن 200 مىڭ تەڭگە پارا العان، دەپ حابارلايدى Egemen.kz.

4 تامىز كۇنى تاراز قالاسىنىڭ № 2 سوتى ىسكە قاتىسى بار تۇلعالارعا مىناداي ۇكىم شىعاردى:

تاراز قالاسى اكىمى اپپاراتىنىڭ باس مامانى ج.ك. ءىزباساروۆ (قك-ءنىڭ 190-بابى 3-تارماعى 2-تارماعى) مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرىلىپ، 2 ملن تەڭگە سوماسىندا ايىپپۇل تولەيدى;

- تاراز قالاسى اكىمى اپپاراتىنىڭ باس مامانى ا.ا. سۇيىنبەكوۆ (قك-ءنىڭ 190-بابى 3-تارماعى 2-تارماعى) مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلىپ، 1،5 ملن تەڭگە ايىپپۇل تولەيدى;

- «KIDS Park» بالالار ويىن-ساۋىق ورتالىعىنىڭ اكىمشىسى ب.م. شىلدەباەۆ (قك-ءنىڭ 367-بابى 2-بولىگى) مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلىپ، 6 ملن تەڭگە ايىپپۇل تولەيدى.

ء«ىزباساروۆ پەن سۇيىنبەكوۆ الداۋ جانە سەنىمگە قيانات جاساۋ جولىمەن، الدىن الا ءسوز بايلاسۋ ارقىلى ءبىر توپ ادامنىڭ اقشاسىن يەمدەنىپ، كارانتين كەزىندە كەشەننىڭ كەدەرگىسىز جۇمىس ىستەگەنى جانە كارانتين رەجيمىن بۇزۋ فاكتىسى بويىنشا اكىمشىلىك جاۋاپكەرشىلىككە تارتۋ جونىندە شارالار قولدانباعانى ءۇشىن «KIDS Park» ويىن-ساۋىق ورتالىعىنىڭ اكىمشىسى ب.م. شىلدەباەۆادان جالپى سوماسى 200 مىڭ تەڭگە بولاتىن قارجى الدى دەگەن كۇدىككە ءىلىندى»، دەپ جازىلعان رەسمي حابارلامادا.

سوڭعى جاڭالىقتار

ۇقساس جاڭالىقتار