وبلىستىق تجد ءباسپاسوز قىزمەتىنىڭ مالىمەتىنشە, 3 تامىز كۇنى قوعامدىق قۇتقارۋشى سەرگەي ەرماكوۆ جاعاجاي اۋماعىنان تىس جەردە ەر ادام سۋعا باتىپ كەتكەنىن كورگەن.
- سول كۇنى وقيعا ورنىنا كەزەكشى شىقتى. ىزدەۋ جۇمىستارىنىڭ ءبىرىنشى كۇنى وزەن ءتۇبى 2000 مەتر تومەن اعىسپەن, جاعادان 50 مەتر قاشىقتىقتا, تەرەڭدىگى 3-تەن 10 م-گە دەيىن زەرتتەلدى. بۇدان باسقا, ەحولوتى بار جەكە مەنشىك قايىق جۇمىلدىرىلدى. الايدا ىزدەۋ ناتيجە بەرمەدى. وزەننىڭ تۇبىندە كوپتەگەن سۋ باسقان شوگىندىلەر بار. 4 تامىزدا جۇرگىزىلگەن ىزدەۋ شارالارى ناتيجەسىز اياقتالدى, - دەيدى دەپارتامەنتتە.
كەلەسى كۇنى ساعات 15.47-دە پاۆلودار وبلىسى تجد ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى جەدەل-قۇتقارۋ جاساعىنىڭ سۇڭگۋىرلەرىمەن ىزدەستىرۋ-قۇتقارۋ جۇمىستارىن جۇرگىزۋ كەزىندە اۆتوجول كوپىرى ماڭىنان 1962 جىلى تۋعان ەر ادامنىڭ دەنەسى تابىلىپ, سۋدان شىعارىلدى.
ەر ادامنىڭ تۋىستارى اجال قۇشقان ادامدى تانىدى.
