قازاقستان • 05 تامىز، 2021

كىمدەر دەكلاراتسيا تاپسىرۋعا مىندەتتى؟

1248 رەت كورسەتىلدى

جالپىعا بىردەي دەكلاراتسيالاۋدىڭ ءبىرىنشى كەزەڭى 2021 جىلعى 1 قاڭتاردان باستالدى. بۇل كەزەڭدە دەكلاراتسيانى تاپسىرۋ بويىنشا مىندەتتەمە مەملەكەتتىك قىزمەتشىلەردە، ولارعا تەڭەستىرىلگەن ادامداردا، سونداي-اق اتالعان ادامداردىڭ جۇبايلارىندا تۋىندايدى. بۇل تۋرالى قر قم مەملەكەتتىك كىرىستەر كوميتەتىندە حابارلادى، دەپ جازادى Egemen.kz.

مەملەكەتتىك كىرىستەر كوميتەتىندە «سىبايلاس جەمقورلىققا قارسى ءىس-قيمىل تۋرالى» قازاقستان رەسپۋبليكاسى زاڭىنىڭ 1-بابىندا بەكىتىلگەن «مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن ادامدار»  ۇعىمىنىڭ ماعىناسىن ءتۇسىندىردى.

 بۇل ساناتقا كەلەسى تۇلعالار جاتادى:

- جەرگىلىكتى ءوزىن-ءوزى باسقارۋ ورگاندارىنا سايلانعان ادامدار، ياعني وبلىس، اۋدان، قالاداعى اۋدان اكىمدەرى جانە ت.ب.، سونىمەن قاتار ونىڭ ىشىندە ءماسليحات دەپۋتاتتارى;

- قر پرەزيدەنتتiگiنە، پارلامەنتiنىڭ نەمەسە ءماسليحاتتاردىڭ دەپۋتاتتىعىنا، اۋداندىق ماڭىزى بار قالالاردىڭ، كەنتتەردىڭ، اۋىلداردىڭ، اۋىلدىق وكرۋگتەردىڭ اكىمدىگىنە، سونداي-اق جەرگiلiكتi ءوزiن-ءوزi باسقارۋ سايلانبالى ورگانىنىڭ مۇشەلىگىنە كانديدات رەتiندە تiركەلگەن ازاماتتار;

- جەرگىلىكتى ءوزىن-ءوزى باسقارۋ ورگانىندا تۇراقتى نەمەسە ۋاقىتشا جۇمىس ىستەيتىن قىزمەتشىلەر-ءماسليحاتتىڭ، اكىمدىكتىڭ جانە ت.ب. قىزمەتكەرلەرى;

- مەملەكەتتىك ۇيىمدا نەمەسە كۆازيمەملەكەتتىك سەكتور سۋبەكتىسىندە باسقارۋشىلىق فۋنكتسيالاردى ورىندايتىن ادامدار. ونىڭ ىشىندە، وسى ساناتتاعى ادامدارعا ۇيىمنىڭ مۇلكىن باسقارۋ جانە وعان بيلىك ەتۋ قۇقىعى جانە بۇيرىقتار مەن وكىمدەر شىعارۋ، سونداي-اق قول استىنداعى قىزمەتكەرلەرىنە قاتىستى كوتەرمەلەۋ شارالارىن جانە تارتىپتىك جازالار قولدانۋ قۇقىعى بەرىلگەن ادامدار جاتادى. ادەتتە، مۇنداي وكىلەتتىكتەرگە ۇيىم باسشىسى، باس بۋحگالتەر جانە ماتەريالدىق قۇندىلىقتاردى دەربەس باسقارۋعا قۇقىعى بار نەمەسە ولاردىڭ قوزعالىسىن باقىلاۋدى جۇزەگە اسىراتىن ادامدار يە;

- ساتىپ الۋدى ۇيىمداستىرۋ جانە وتكىزۋ بويىنشا شەشىمدەر قابىلداۋعا ۋاكىلەتتى تۇلعالار. وسى ساناتقا كۆازيمەملەكەتتىك سەكتور سۋبەكتىسىنىڭ ساتىپ الۋدى ۇيىمداستىرۋ جانە وتكىزۋ راسىمدەرىن ورىنداۋعا جاۋاپتى قۇرىلىمدىق بولىمشەلەرىنىڭ باسشىلارىن نە ساتىپ الۋدى ۇيىمداستىرۋ جانە وتكىزۋ جونىندەگى وكىلەتتىكتەر جۇكتەلگەن دەربەس قۇرىلىمدىق بولىمشەنىڭ باسشىسىنان تومەن ەمەس لاۋازىمدى اتقاراتىن لاۋازىمدى ادامداردى جاتقىزعان ءجون;

- قر ۇلتتىق بانكىنىڭ جانە ونىڭ ۆەدومستۆو قىزمەتشىلەرى;

- ازاماتتىق اۆياتسيا سالاسىنداعى ۋاكىلەتتى ۇيىم قىزمەتشىلەرى;

- قارجى نارىعى مەن قارجى ۇيىمدارىن رەتتەۋ، باقىلاۋ جانە قاداعالاۋ جونىندەگى ۋاكىلەتتى ورگان قىزمەتشىلەرى.

 «دەكلاراتسيانى قاعاز تۇرىندە تابىس ەتۋ مەرزىمى 2021 جىلعى 15 شىلدەدە اياقتالدى. وسىلايشا، دەكلاراتسيانى ەلەكتروندى تۇردە تاپسىرۋدىڭ سوڭعى مەرزىمى 2021 جىلدىڭ 15 قىركۇيەگى»، دەپ اتاپ ءوتتى مكك-دە.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • بۇگىن، 22:48

ۇقساس جاڭالىقتار