قازاقستان • 05 تامىز، 2021

«مەرەيلى وتباسى» بايقاۋىنىڭ ەرەجەسىنە وزگەرىستەر ەنگىزىلدى

30 رەت كورسەتىلدى

اقپارات جانە قوعامدىق دامۋ مينيسترلىگى «مەرەيلى وتباسى» ۇلتتىق بايقاۋىن وتكىزۋ ەرەجەسىنە وزگەرىستەر مەن تولىقتىرۋلار ەنگىزىلەتىن قر ۇكىمەتى قاۋلىسىنىڭ جوباسىن دايىندادى، دەپ حابارلايدى Egemen.kz.

كونكۋرسقا قاتىسۋ ءۇشىن تومەندەگى قۇجاتتاردى ۇسىنۋ قاجەت:

  • اتا-انالاردىڭ (قورعانشىلاردىڭ، قامقورشىلاردىڭ) جەكە باسىن كۋالاندىراتىن قۇجاتتاردىڭ كوشىرمەلەرى، بالالاردىڭ تۋ تۋرالى كۋالىكتەرىنىڭ كوشىرمەلەرى;
  • اسىراپ الۋشى (قورعانشى) وتباسىلار ءۇشىن-جەرگىلىكتى ۋاكىلەتتى ورگاننىڭ كامەلەتكە تولماعان بالاعا قورعانشىلىقتى (قامقورشىلىقتى) بەلگىلەۋ تۋرالى شەشىمىنەن ءۇزىندى كوشىرمە;
  • نەكە قيۋ تۋرالى كۋالىكتىڭ كوشىرمەسى;
  • اتا-اناسىنىڭ بىرەۋى قايتىس بولعان جاعدايدا قايتىس بولۋ تۋرالى كۋالىكتىڭ كوشىرمەسى (بار بولسا);
  • بالالاردى تاربيەلەگەنى ءۇشىن كوتەرمەلەۋلەردىڭ، بەلگىلى ءبىر جەتىستىكتەرى ءۇشىن كوتەرمەلەۋلەردىڭ بار ەكەنىن كۋالاندىراتىن قۇجاتتاردىڭ كوشىرمەلەرى;
  • زاڭدى نەمەسە جەكە تۇلعالاردىڭ ۇسىنىس حاتتارى (ەكەۋدەن كەم ەمەس);
  • وتباسى مۇشەلەرىنىڭ ەڭبەكتەگى، سپورتتاعى، شىعارماشىلىق، زياتكەرلىك، عىلىمي جەتىستىكتەرىن راستايتىن قۇجاتتاردىڭ كوشىرمەلەرى;
  • قوعامدىق پايدالى قىزمەتكە قاتىسقانىن راستايتىن قۇجاتتاردىڭ كوشىرمەلەرى (ۆولونتەرلىك، قايىرىمدىلىق، مەتسەناتتىق، تالىمگەرلىك);
  • دەربەس دەرەكتەردى جيناۋعا جانە وڭدەۋگە كەلىسىم.

قۇجاتتار توپتاماسى تولىق ۇسىنىلماعان كەزدە كوميسسيا ءوتىنىم ۇسىنىلعان كۇننەن باستاپ ەكى جۇمىس كۇنى ىشىندە كونكۋرسقا قاتىسۋعا نيەت بىلدىرگەن وتباسىنا ءوتىنىمدى تالاپتارعا سايكەس كەلتىرۋ قاجەتتىگى تۋرالى حابارلاما جىبەرەدى.

كونكۋرسقا قاتىسۋعا نيەت بىلدىرگەن وتباسى حابارلامانى العان كۇننەن باستاپ ءۇش جۇمىس كۇنى ىشىندە جوق قۇجاتتاردى اۋداندىق كوميسسياعا قاعاز نەمەسە ەلەكتروندىق جەتكىزگىشتە ۇسىنادى.

كوميسسيا كونكۋرسقا قاتىسۋ ءۇشىن وتىنىمدەردى قابىلداۋ اياقتالعان ساتتەن باستاپ 15 جۇمىس كۇنىنەن اسپايتىن مەرزىمدە الىنعان اقپاراتتى جان-جاقتى تەكسەرۋدى جۇزەگە اسىرادى، ىرىكتەۋ جۇرگىزەدى جانە وبلىستىق (رەسپۋبليكالىق ماڭىزى بار قالالاردىڭ، استانانىڭ) كوميسسيالاردىڭ قاراۋى ءۇشىن ەكى وتباسىن ايقىندايدى.

اۋداندىق (قالالىق) كوميسسيانىڭ شەشىمى حاتتامامەن رەسىمدەلەدى، وندا كونكۋرستىق ىرىكتەۋدىڭ اۋداندىق (قالالىق) كەزەڭىنەن وتكەن ەكى وتباسى جانە سەبەپتەرىن كورسەتە وتىرىپ، كونكۋرستىق ىرىكتەۋدىڭ وسى كەزەڭىنەن وتپەگەن وتباسىلار كورسەتىلەدى.

سودان كەيىن وبلىستىق (رەسپۋبليكالىق ماڭىزى بار قالالاردىڭ، استانانىڭ) كوميسسيالار اۋداندىق نەمەسە قالالىق كوميسسيالاردان وتىنىمدەردى العان ساتتەن باستاپ 15 جۇمىس كۇنىنەن اسپايدى، قاجەت بولعان جاعدايدا ۇسىنىلعان وتىنىمدەردى قوسىمشا تەكسەرۋدى جۇزەگە اسىرادى، ىرىكتەۋ جۇرگىزەدى جانە جەڭىمپاز ءبىر وتباسىن ايقىندايدى.

كوميسسيانىڭ شەشىمى حاتتامامەن رەسىمدەلەدى، وندا كونكۋرستىڭ جەڭىمپازى جانە سەبەپتەرىن كورسەتە وتىرىپ، جەڭىمپاز دەپ تانىلماعان وتباسىلار كورسەتىلەدى.

وبلىستىق (رەسپۋبليكالىق ماڭىزى بار قالالاردىڭ، استانانىڭ) كوميسسيا حاتتاماعا قول قويىلعانعا دەيىن ءۇش جۇمىس كۇنىنەن كەشىكتىرمەي وتىنىمدەردە كورسەتىلگەن كونكۋرسقا قاتىسۋعا نيەت بىلدىرگەن وتباسىلاردىڭ ەلەكتروندىق مەكەنجايلارىنا حاتتاما جوباسىمەن جانە نەگىزدەمەسىمەن حابارلاما جىبەرەدى.

قۇجاتتىڭ تولىق نۇسقاسىن «اشىق نقا» سايتىنان كورۋگە بولادى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار